Arunachalam » ᴀ ʀᴇᴛᴀʟɪᴀᴛᴇ
∆1997ൽ സുന്ദർ.സി സംവിധാനം ചെയ്ത രജനികാന്ത് ചിത്രമായ അരുണാചലം ഒരു കോമെഡി എന്റർടൈനറാണ്. ക്രേസി മോഹൻ എഴുതിയ കഥയ്ക്ക് സുന്ദർ.സി തന്നെ തിരക്കഥയും എഴുതിയിരിക്കുന്നു.
■രജനികാന്തിന്റെ സ്റ്റൈൽ ആവോളം ചൂഷണം ചെയ്യാൻ ചിത്രത്തിന് സാധിച്ചിട്ടുണ്ട്. ഇൻട്രോ എല്ലാ രജനി പടങ്ങളിലെയും പോലെ ആരാധകരെ തൃപ്തിപ്പെടുത്തുന്നതായിരുന്നു. കൂടാതെ രജനിയുടെ പല സ്പീഡി ട്രിക്കുകളും ആരാധകർക്ക് വേണ്ടി ഉപയോഗപ്പെടുത്തിയിട്ടുണ്ട്.
■1985ൽ ഇറങ്ങിയ ഹോളിവുഡ് ചിത്രം ബ്രൂസ്റ്റേഴ്സ് മില്യൻസിന്റെ കഥയെ ആസ്പദമാക്കിയിട്ടാണ് അരുണാചലത്തിന്റെ കഥ രചിച്ചിട്ടുള്ളത്.
✍sʏɴᴏᴘsɪs
■ഗ്രാമപ്രമുഖനായ അമ്മയന്റെ നാല് മക്കളിൽ മൂത്ത പുത്രനായ അരുണാചലം അനാഥനാണെന്നും വെറുമൊരു ദത്തുപുത്രനാണെന്നും മുത്തശ്ശി വെളിപ്പെടുത്തുന്നു. ഗ്രാമവും വീടും വിട്ടുപോവേണ്ടി വരുന്ന അരുണാചലം ജോലിക്കായി ചെന്നൈയിലെത്തുന്നു. ചെന്നൈയിലെത്തിയ അരുണാചലം താനൊരു അനാഥനല്ലെന്നും കോടിക്കണക്കിന് രൂപയുടെ ആസ്തിയുള്ള ബിസിനസ്സ് സാമ്രാജ്യത്തിന്റെ ഉടമയായിരുന്ന വേദാചലത്തിന്റെ പുത്രനാണെന്നും അദ്ദേഹത്തിൻറെ മാനേജർ രംഗാചാരിയിൽ നിന്നും മനസ്സിലാക്കുന്നു. പരേതനായ വേദാചലം തന്റെ കോടിക്കണക്കിന് സ്വത്തുക്കൾ അരുണാചലത്തിന് ലഭിക്കുവാൻ കുറച്ച് നിബന്ധനകളുണ്ടെന്ന് വീഡിയോ റെക്കോഡിലൂടെ അറിയിക്കുന്നു. 3030കോടി രൂപയുടെ സ്വത്തിൽ നിന്നും 30കോടി രൂപ മുപ്പത് ദിവസത്തിനുള്ളിൽ ചിലവയിച്ചാൽ ബാക്കി വരുന്ന 3000കോടി രൂപ സ്വന്തമാക്കാമെന്നും പറയുന്നു. വെല്ലുവിളിയിലെ നിയമങ്ങൾ ഇതായിരുന്നു.. "പ്രസ്തുത പണം ആർക്കും ദാനം ചെയ്യരുത്; സ്വന്തം പേരിൽ സ്വത്തുക്കൾ വാങ്ങരുത്; 30കോടി ചിലവയിച്ചാൽ 3000കോടി ലഭിക്കും എന്ന് അരുണാചലം, രംഗാചാരി, ട്രസ്റ്റിലെ മറ്റു നാല് അംഗങ്ങൾ തുടങ്ങിയവരെക്കൂടാതെ മറ്റൊരാൾ അറിയരുത്.." അരുണാചലം ഈ വെല്ലുവിളി ഏറ്റെടുക്കുന്നു..
👥ᴄᴀsᴛ & ᴘᴇʀfᴏʀᴍᴀɴᴄᴇs
■അരുണാചലമായും അച്ഛൻ വേദാചലമായും രജനികാന്ത് അദ്ദേഹത്തിൻറെ ആരാധകരെ തൃപ്തിപ്പെടുത്തുന്ന പ്രകടനം തന്നെയായിരുന്നു നടത്തിയത്. സൗന്ദര്യ (വേദവല്ലി), രംഭ (നന്ദിനി), രവിചന്ദ്രൻ (അമ്മയപ്പൻ), രഘുവരൻ (വിശ്വനാഥ്), വിശു (രംഗാചാരി),സെന്തിൽ (അറിവഴകൻ), ജനഗരാജ് (ബീഡ കർത്തവരായൻ) തുടങ്ങിയവരാണ് പ്രധാന താരങ്ങൾ..
📽✄ᴛᴇᴄʜɴɪᴄᴀʟ sɪᴅᴇs
■U.K.സെന്തിൽകുമാറാണ് അരുണാചലത്തിന് വേണ്ടി ക്യാമറ ചലിപ്പിച്ചിരിക്കുന്നത്.
■പി.സായ്സുരേഷ് എഡിറ്റിങ് നിർവ്വഹിച്ചിരിക്കുന്നു.
🙅sᴛᴜɴᴛs
■സൂപ്പർ സുബ്ബരായനാണ് ചിത്രത്തിലെ സംഘട്ടന രംഗങ്ങളൊരുക്കിയിരിക്കുന്നത്. മികച്ച സംഘട്ടനത്തിനുള്ള ആ വർഷത്തെ തമിഴ്നാട് സ്റ്റേറ്റ് ഫിലിം അവാർഡ് അദ്ദേഹത്തിനായിരുന്നു.
🎵🎧ᴍᴜsɪᴄ & ʙᴀᴄᴋɢʀᴏᴜɴᴅ sᴄᴏʀᴇs
■ദേവയാണ് ചിത്രത്തിലെ ഗാനങ്ങൾക്ക് സംഗീതം ചെയ്തിരിക്കുന്നത്. വൈരമുത്തു വരികളെഴുതിയ "നഗുമോ" എന്ന ക്ലാസിക്കൽ ഗാനം ഇന്നും ഹിറ്റാണ്.. എസ്.പി.ബാലസുബ്രഹ്മണ്യം പാടിയ "അതാണ്ടാ ഇതാണ്ടാ" എന്ന അടിപൊളി ഗാനവും ഹിറ്റായിരുന്നു..
📎 ʙᴀᴄᴋwᴀsʜ
■അരുണാചലം ഒരു സാമ്പത്തിക വിജയമായിരുന്നെങ്കിൽ രജനിയുടെ മുൻചിത്രങ്ങളായ ഭാഷ, മുത്തു തുടങ്ങിയ ചിത്രങ്ങളുടെ വിജയത്തിനടുത്തെത്തിയില്ല. 1997ലെ മികച്ച ചിത്രത്തിനുള്ള തമിഴ്നാട് സ്റ്റേറ്റ് ഫിലിം അവാർഡ് സൂര്യവംശത്തിനൊപ്പം പങ്കിട്ട അരുണാചലം ഗോപി കാന്തിന് മികച്ച കലാസംവിധാനത്തിനുള്ള തമിഴ്നാട് സ്റ്റേറ്റ് അവാർഡും നേടിക്കൊടുത്തു.
Riγαs Ρυliκκαl
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ