Gentleman » ᴀ ʀᴇᴛᴀʟɪᴀᴛᴇ
■ ഇന്ത്യയുടെ ബ്രഹ്മാണ്ഡ സംവിധായകൻ ശങ്കറിന്റെ കന്നി ചിത്രമാണ് 1993ൽ പുറത്തിറങ്ങിയ അർജുൻ നായകനായ "ജെന്റിൽമാൻ".. എ.ആർ.റഹ്മാൻ സംഗീതം ചെയ്ത മനോഹരമായ ഗാനങ്ങൾ തന്നെയാണ് ചിത്രത്തിലെ ഹൈലൈറ്റ്.. പടം പോലെ തന്നെ പടത്തിലെ എല്ലാ പാട്ടുകളും സൂപ്പർ ഹിറ്റായിരുന്നു.. കെ.ടി.കുഞ്ഞുമോൻ എന്ന നിർമാതാവിന്റെ ഭാഗ്യാരംഭ ചിത്രം കൂടിയായിരുന്നു ഇത്..
✍sʏɴᴏᴘsɪs
■ പോലീസിന്റെ കണ്ണിലെ കരടായി മാറുന്ന റോബിൻഹുഡ് സ്റ്റൈൽ കള്ളനായിരുന്നു കിച്ച എന്ന് വിളിക്കപ്പെടുന്ന കൃഷ്ണമൂർത്തി.. ദ്വന്ത വ്യക്തിത്വം സൂക്ഷിച്ചിരുന്ന കിച്ച പൊതുജീവിതത്തിൽ ഒരു ചെറുകിട പപ്പടക്കമ്പനി മുതലാളിയായിരുന്നു.. നഗരത്തെ വിറപ്പിക്കുന്ന കള്ളനെ പിടിക്കാൻ കഴിയാതെ നാണം കെടുന്ന ഡി.ഐ.ജി.അഴകർ നമ്പി കിച്ചയെ പിടിക്കാൻ പുതിയ വഴികൾ തേടുന്നു.. കിച്ച എങ്ങനെ കള്ളനായി എന്നത് അവസാനം വരെ നിഗൂഢമായി തുടരുന്നു..
👥ᴄᴀsᴛ & ᴘᴇʀfᴏʀᴍᴀɴᴄᴇs
■ അർജുൻ (കിച്ച), മധുബാല (സുശീല), ഗൗണ്ടമണി (മണി), ചരൺ രാജ് (ഡി.ഐ.ജി.അഴകർ നമ്പി), സുഭാശ്രി (സുഗന്ധി), സെന്തിൽ (ബബ്ലു), രാജൻ പി.ദേവ് (മുഖ്യമന്ത്രി), വിനീത് (രമേശ്), മനോരമ (പൊന്നമ്മാൾ - കിച്ചയുടെ അമ്മ), എം.എൻ.നമ്പ്യാർ തുടങ്ങിയവരാണ് പ്രധാന താരങ്ങൾ..
📽✄ᴛᴇᴄʜɴɪᴄᴀʟ sɪᴅᴇs
■ ജീവയാണ് ഛായാഗ്രഹണം നിർവ്വഹിച്ചിരിക്കുന്നത്. പാട്ടുകളുടെ ഫ്രയിമുകളെല്ലാം അതിമനോഹരം തന്നെയായിരുന്നു. ബി. ലെനിനും വി.ടി. വിജയനും ചേർന്നാണ് ചിത്രസംയോജനം ചെയ്തിരിക്കുന്നത്. പ്രഭുദേവയുടെ സഹോദരൻ രാജു സുന്ദരമാണ് ചിത്രത്തിലെ ഗാനങ്ങൾക്കെല്ലാം കൊറിയോഗ്രഫി ചെയ്തിരിക്കുന്നത്. പ്രഭുദേവ, ഗൗതമി, രാജു സുന്ദരം, രാഘവ ലോറൻസ് എന്നിവർ ചിക്കുബുക്കു റയിലെ എന്ന പാട്ടിൽ അതിഥി വേഷത്തിൽ എത്തിയിട്ടുമുണ്ട്.
🎵🎧ᴍᴜsɪᴄ & ʙᴀᴄᴋɢʀᴏᴜɴᴅ sᴄᴏʀᴇs
■ എ.ആർ. റഹ്മാനാണ് സംഗീതം നിർവ്വഹിച്ചിരിക്കുന്നത്. ഒട്ടകത്ത കട്ടിക്കോ, ചിക്കു ബുക്കു റയിലെ, എൻ വീട്ടു തോട്ടത്തിൽ, പാക്കാതെ, ഉസിലാംപെട്ടി പെൺകുട്ടി എന്നിങ്ങനെ ജെന്റിൽമാനിലെ എല്ലാ പാട്ടുകളും സൂപ്പർഹിറ്റുകളായിരുന്നു.
📎 ʙᴀᴄᴋwᴀsʜ
■ ചിരഞ്ജീവിയെ നായകനാക്കി ദി ജെന്റിൽമാൻ എന്ന പേരിൽ മഹേഷ് ഭട്ട് ഈ സിനിമയെ ഹിന്ദിയിലേക്ക് റീമെയ്ഡ് ചെയ്തിരുന്നു. ആ വർഷത്തെ മികച്ച നടൻ (അർജുൻ), മികച്ച സംവിധായകൻ (ശങ്കർ), മികച്ച സംഗീത സംവിധായകൻ (എ.ആർ.റഹ്മാൻ), മികച്ച ഗായിക (സുജാത) എന്നിവയ്ക്കുള്ള തമിഴ്നാട് സർക്കാരിന്റെ അവാർഡുകൾ ജെന്റിൽമാനായിരുന്നു.
Riγαs Ρυliκκαl
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ