I Saw The Devil » ᴀ ʀᴇᴛᴀʟɪᴀᴛᴇ
■ കൊറിയൻ ഫിലിം ഇൻഡസ്ട്രിയുടെ തലവര തന്നെ മാറ്റി വരച്ച സിനിമയായിരുന്നു ഓൾഡ് ബോയ്. ഓൾഡ് ബോയിക്ക് ശേഷം ചോയ് മിൻസിക്കിന് ലഭിച്ച മികച്ചൊരു വേഷമാണ് ഐ സോ ദി ഡെവിളിലെ അതിക്രൂരനായ പ്രതിനായക വേഷം. ലീ ബിയാങ് ഹുനിനെ നായകനാക്കി കിം ജീ വൂൻ സംവിധാനം ചെയ്ത ഈ സിനിമയുടെ തിരക്കഥ നിർവ്വഹിച്ചിരിക്കുന്നത് കിം ജീ വൂനും പാർക്ക് ഹൂൻ ജങും ചേർന്നാണ്.
Statutory Warning :- ഗർഭിണികളും കുട്ടികളും ഈ സിനിമ കാണരുത്.
✍sʏɴᴏᴘsɪs
■ അതിക്രൂരമായ കൊലപാതകങ്ങൾ ചെയ്ത് അതിൽ ആനന്ദം കണ്ടെത്തുന്ന ഒരു സൈക്കോപ്പാത്ത്, അതായിരുന്നു ക്യൂങ് ചുൽ. മനുഷ്യ മനസ്സാക്ഷിക്ക് സങ്കൽപ്പിക്കാൻ പോലും കഴിയാത്ത തരത്തിൽ പൈശാചികമായ തുടർക്കൊലപാതകങ്ങളായിരുന്നു ക്യൂങിന്റെ വിനോദം. ഇരകൾ പ്രധാനമായും യുവതികളായിരുന്നു. പൊലീസിന് അയാളെ പിടികൂടാൻ അത്രകാലമായിട്ടും സാധിച്ചിരുന്നില്ല. വിരമിച്ച പോലീസ് ചീഫിന്റെ മകൾ, ജൂ യോനിൻറെ കൊലപാതകം കഥയിലെ വഴിത്തിരിവാകുന്നു. കൊറിയൻ രഹസ്യാന്വേഷണ ഏജൻസിയിലെ പ്രധാന ഏജന്റായിരുന്ന സൂ ഹ്യുൻ കൊലപാതകയിലെ സ്വയം പിന്തുടർന്ന് പിടികൂടാൻ തീരുമാനിക്കുന്നു. തന്റെ പ്രതിശ്രുത വധു അനുഭവച്ചതിനെക്കാൾ കൂടുതൽ വേദന കൊലപാതിയെക്കൊണ്ട് അനുഭവിപ്പിക്കുമെന്നു അയാൾ പ്രതിജ്ഞയെടുക്കുന്നു.
👥ᴄᴀsᴛ & ᴘᴇʀfᴏʀᴍᴀɴᴄᴇs
■ ലീ ബ്യുങ് ഹുന്നാണ് കിം സൂ ഹ്യുൻ എന്ന നായക വേഷം ചെയ്തിരിക്കുന്നത്. ഇമോഷണൽ സീനുകളിലൊക്കെ വളരെ മികച്ച അഭിനയപ്രകടനം നടത്താൻ ലീ ബ്യുങ്ങിന് സാധിച്ചിട്ടുണ്ട്. വില്ലൻ കഥാപാത്രമായ ക്യുങ് ചുലിനെ അവതരിപ്പിച്ച ചോയ് മിൻസിനെക്കുറിച്ച് കൂടുതൽ പറയേണ്ട ആവശ്യമില്ലല്ലോ. നായകനെ നിഷ്പ്രഭനാക്കിയ വില്ലൻ. ജ്യോൻ കുക് ഹ്വാൻ (മുൻ പോലീസ് ചീഫ്), ച്യോൻ ഹോജിൻ (ഓഹ് - സെക്ഷൻ ചീഫ്), ഓഹ് സാൻഹ (ജൂ യോൻ), കിം യൂൻ സ്യോ (സെ യോൻ), നാം ബോറ (സെക്ഷൻ ചീഫിന്റെ മകൾ), ലീ ജൂൻ ഹ്യുക് (രഹസ്യാന്വേഷണ ഏജന്റ്), യൂൻ ചെ യോങ് (നഴ്സ്), ചോയ് മൂ സ്യുങ് (ക്യുങ് ചുലിന്റെ സുഹൃത്ത്) തുടങ്ങിയവരാണ് മറ്റു പ്രധാന അഭിനേതാക്കൾ.
📽✄ᴛᴇᴄʜɴɪᴄᴀʟ sɪᴅᴇs
■ ലീ മോഗെയാണ് ഛായാഗ്രാഹകൻ. ഗ്രാഫിക്സിന്റെ സഹായം ഒരുപാട് ഉണ്ടായിട്ടുണ്ടെങ്കിലും ലീയുടെ ഡാർക് മൂഡിലുള്ള ഫ്രെയിമുകൾ ചിത്രത്തിന് ഒരുപാട് സഹായകരമായി.
■ നാം നായോങ്ങാണ് ചിത്രസംയോജനം നിർവ്വഹിച്ചിരിക്കുന്നത്.
🎵🎧ᴍᴜsɪᴄ & ʙᴀᴄᴋɢʀᴏᴜɴᴅ sᴄᴏʀᴇs
■ മൗഗാണ് സംഗീതം നിർവ്വഹിച്ചിരിക്കുന്നത്. അതിമനോഹരമായ പശ്ചാത്തല സംഗീതമായിരുന്നു മൗഗിന്റേത്. വയലന്റ് സീനുകളിലെ ഉദ്വേഗം നിറക്കുന്ന തരത്തിലുള്ള സംഗീതവും മികച്ചതായിരുന്നു.
📎 ʙᴀᴄᴋwᴀsʜ
■ മികച്ച ചിത്രസംയോജനത്തിന് നാം നായോങിന് ഏഷ്യൻ ഫിലിം അവാർഡും മികച്ച സംഗീതത്തിന് മൗഗിന് ബ്ലൂ ഡ്രാഗൺ അവാർഡും ലഭിച്ചിട്ടുണ്ട്. അതിക്രൂരമായ വയലന്റ് രംഗങ്ങൾ കാരണം സെൻസർ ബോർഡിന്റെ കത്രികക്ക് ഒരുപാട് തവണ ഇരയാകേണ്ടി വന്നിട്ടുണ്ട് ഈ ചിത്രത്തിന്.
Riγαs Ρυliκκαl
കാണണം
മറുപടിഇല്ലാതാക്കൂ🤗
മറുപടിഇല്ലാതാക്കൂ