Onaayum Aattukkuttiyum » ᴀ ʀᴇᴛᴀʟɪᴀᴛᴇ
■ അപകടത്തിൽപ്പെട്ട് ചോരവാർന്ന് ആരെങ്കിലും റോഡിൽ കിടക്കുന്നത് കണ്ടാൽ പലരും കാണാത്തതുപോലെ പോവുന്നതുകാണാം, മറ്റു ചിലർ മൊബൈലിൽ ചിത്രം പകർത്തുന്നത് കാണാം. മനസ്സാക്ഷി ഇല്ലാത്തവരാണോ ഇവർ? പറഞ്ഞതിൽ രണ്ടാമത്തെ കൂട്ടർ വ്യക്തമായ വിഷാദരോഗികളാണ്. പക്ഷേ, പറഞ്ഞതിൽ ആദ്യത്തെ കൂട്ടർ 90%വും മനസ്സാക്ഷി ഉണ്ടായിട്ടും അത് പുറത്തെടുക്കാത്തവരാണ്. എന്താണ് കാരണമെന്ന് വെച്ചാൽ അൽപ്പം മനസ്സാക്ഷി കാണിച്ചാൽ ചിലപ്പോൾ ആ കേസ് തന്നെ തലയിലാവും. ആടിനെ പട്ടിയാക്കുന്ന അധികാരി വർഗ്ഗം. അതുകൊണ്ട് തന്നെ ഉള്ള സന്മനസ്സ് ഏതോ മൂലയ്ക്കിട്ട് പോകുന്നവരാണ് ഭൂരിപക്ഷവും.
മിഷ്കിൻ തിരക്കഥയെഴുതി സംവിധാനം നിർവ്വഹിച്ച നിയോ നോയിർ ക്രൈം ത്രില്ലർ തമിഴ് ചിത്രമാണ് ഒനായും ആട്ടുകുട്ടിയും. മിഷ്കിൻ എന്ന സംവിധായക പ്രതിഭയുടെ ജാലവിദ്യ കണ്ട മാസ്റ്റർപീസ്. മിഷ്കിൻ തന്നെയാണ് കേന്ദ്രകഥാപാത്രത്തെ അവതരിപ്പിച്ചിരിക്കുന്നത്. വഴക്ക് എണ്ണ് 18/9 എന്ന സിനിമയിലൂടെ വെള്ളിത്തിരയിലെത്തിയ ശ്രീയാണ് മറ്റൊരു പ്രധാന കഥാപാത്രം അഭിനയിച്ചിരിക്കുന്നത്. ബാലാജി V.രംഘ ഛായാഗ്രഹണവും ഗോപിനാഥ് എഡിറ്റിങ്ങും നിർവ്വഹിച്ചിരിക്കുന്നു. മെലങ്കളിക് ആയ പശ്ചാത്തല സംഗീതവുമായി ഇളയരാജയും സിനിമയ്ക്ക് മികച്ചൊരു പിന്തുണ നൽകിയിരിക്കുന്നു.
✍sʏɴᴏᴘsɪs
■ ചെന്നൈ നഗരത്തിലെ ആളൊഴിഞ്ഞൊരു കോണിൽ ഒരു അപരിചിതൻ ആരുടെയോ വെടിയേറ്റ് വീഴുന്നു. ചോരവാർന്ന് വഴിയിൽ കിടക്കുന്ന അയാളെ വഴിയേ പോവുന്ന ഒരാളും രക്ഷിക്കാൻ ശ്രമിക്കുന്നില്ല. പക്ഷേ, അതുവഴി ബൈക്കിൽ വന്ന ഒരു മെഡിക്കൽ വിദ്യാർഥി, ചന്ദ്രു അയാളെ രക്ഷിക്കാൻ ശ്രമിക്കുന്നു. എന്നാൽ ഒരു ഹോസ്പിറ്റലും അയാളുടെ ചികിത്സ ഏറ്റെടുക്കാൻ തയ്യാറാവുന്നില്ല.
അധികാരി വർഗ്ഗത്തിന്റെ അനാസ്ഥ വളരെ വ്യക്തമായി കോറിയിട്ടിരിക്കുന്നു മിഷ്കിൻ ഈ ചിത്രത്തിൽ. ഒടുവിൽ മെഡിക്കൽ വിദ്യാർത്ഥിയായ ചന്ദ്രു തന്നെ ഒരു സർജ്ജറി നടത്തി അയാളെ രക്ഷിക്കാൻ തീരുമാനിക്കുന്നു. തന്റെ പ്രൊഫസറുടെ ഫോണിലൂടെയുള്ള പിന്തുണയോടെ അവൻ ആ സർജ്ജറി വിജയകരമായി പൂർത്തിയാക്കുന്നു. എന്നാൽ നേരം പുലർന്നപ്പോൾ ആ അപരിചിതൻ രക്ഷപ്പെട്ടു കഴിഞ്ഞിരുന്നു, ഒരു നന്ദിപോലും അറിയിക്കാതെ. പക്ഷേ കഥ അവിടെ തുടങ്ങുകയായിരുന്നു, പതിനാലിലധികം കൊലപാതകങ്ങൾ ചെയ്തു പോലീസിന്റെ കണ്ണുവെട്ടിച്ച് നടക്കുന്ന ഒരു കൊടുംകുറ്റവാളിയായിരുന്നു അയാൾ. വോൾഫ്!!!
👥ᴄᴀsᴛ & ᴘᴇʀfᴏʀᴍᴀɴᴄᴇs
■ മിഷ്കിനാണ് ഒരു പെയ്ഡ് കില്ലറായിരുന്ന വോൾഫിന്റെ വേഷത്തിലെത്തിയിരിക്കുന്നത്. ഒരു മികച്ച സംവിധായകൻ മാത്രമല്ല, താനൊരു മികച്ചൊരു നടൻ കൂടിയാണെന്ന് തെളിയിച്ച പ്രകടനം. "ഒരു ഊരിലെ, ഒരു ഒനായി ഇരുന്ത്ച്ചാ" എന്ന് തുടങ്ങുന്ന മോണോലോഗ് മാത്രം മതി ഉദാഹരണത്തിന്. ശ്രീ, ചന്ദ്രു എന്ന മെഡിക്കൽ വിദ്യാർത്ഥിയായി എത്തിയിരിക്കുന്നു. ശ്രീയുടെ കരിയറിലെ തന്നെ മികച്ച കഥാപാത്രമാണ് ചന്ദ്രു. ഷാജി ചെൻ (ലാൽ, സിബിസിഐഡി), ആദിത്യ മേനോൻ (യുവ), രാജ് ഭരത് (തമ്പ), ശ്രീറാം (ഐസക്), ബേബി ചൈതന്യ (കാർത്തി), ഷൗക്കത്ത് (കാർത്തിയുടെ അച്ഛൻ), മോന (പ്രിസില്ല), എയ്ഞ്ചൽ ഗ്ലാഡി (ഭാരതി), നീലിമ റാണി (ചന്ദ്രുവിന്റെ സഹോദര ഭാര്യ) തുടങ്ങിയവരാണ് മറ്റു പ്രധാന അഭിനേതാക്കൾ.
📎 ʙᴀᴄᴋwᴀsʜ
■ എന്തുകൊണ്ട് ഈ സിനിമയ്ക്ക് ഒരു അവാർഡോ പ്രത്യേക പരാമർശമോ ലഭിച്ചില്ല എന്നത് എനിക്ക് ഇപ്പോഴും അത്ഭുതമാണ്. ലോകോത്തര സിനിമകളുടെ കൂടെ നിർത്താൻ പറ്റാവുന്നൊരു ഇന്ത്യൻ സിനിമയായിരുന്നു ഒനായും ആട്ടുകുട്ടിയും. പൂർണ്ണമായും ചെന്നൈ നഗരത്തിൽ ചിത്രീകരിച്ച ഒരു സിനിമ. ഭൂരിഭാഗവും രാത്രിയുടെ പശ്ചാത്തലത്തിൽ ചിത്രീകരിച്ച ഒരു ഡാർക്ക് ത്രില്ലർ.
8.2/10 · IMDb
Riγαs Ρυliκκαl
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ