Apocalypto » ᴀ ʀᴇᴛᴀʟɪᴀᴛᴇ
■ മെൽഗിബ്‌സൺ, ആ പേര് മാത്രം മതി ഈ സിനിമയെ വിലയിരുത്താൻ. മെൽഗിബ്‌സൺ എന്ന നടനിലുപരി മെൽഗിബ്‌സൺ എന്ന സംവിധായകനെ ഇഷ്ടപ്പെടുന്നയാളാണ് ഞാൻ. മെൽഗിബ്‌സണിലെ നടനെ വിലകുറച്ചു കാണുകയല്ല ഞാൻ. 1976ൽ ദി സുള്ളിവൻസ് എന്ന ഓസ്‌ട്രേലിയൻ ടിവി സീരീസിലൂടെ അഭിനയരംഗത്തേക്ക് കടന്നുവന്ന മെൽഗിബ്‌സൺ പിന്നെ ഹോളിവുഡ് സിനിമാ ലോകത്തിൽ ഒരു സിംഹാസനം തന്നെ സ്വന്തമാക്കുകയായിരുന്നു. മാഡ്മാക്സ്, ലെതൽ വെപ്പൺ എന്നീ ഫിലിം സീരീസുകളിലൂടെ ആക്ഷൻ പരിവേഷം ലഭിച്ചു. ഗല്ലിപ്പൊല്ലി എന്ന യുദ്ധചിത്രത്തിലെ അഭിനയത്തിന് മെൽഗിബ്സണ് മികച്ച നടനുള്ള ഓസ്‌ട്രേലിയൻ ഫിലിം അക്കാദമി പുരസ്കാരം (AACTA) ലഭിച്ചു. താൻ തന്നെ സംവിധാനം ചെയ്ത ബ്രേവ്ഹേർട്ട് എന്ന സിനിമയിൽ സ്‌കോട്ടിഷ് ചരിത്രത്തിലെ ഹീറോയായ സർ വില്യം വാലസായി വിസ്മയപ്പെടുത്തി. മെൽഗിബ്‌സൺ എപ്പോഴൊക്കെ സംവിധായകന്റെ കുപ്പായമണിഞ്ഞിട്ടുണ്ടോ, അപ്പോഴൊക്കെ പിറന്നിട്ടുള്ളത് ലോക ക്ലാസ്സിക്കുകളാണ്. ബ്രേവ്ഹേർട്ട്, ദി പാഷൻ ഓഫ് ദി ക്രൈസ്റ്റ്, ഹാക്ക്സോറിഡ്ജ് തുടങ്ങിയവ ചില ഉദാഹരണങ്ങൾ മാത്രം. മായൻ സംസ്കാരം എത്ര മനോഹരമായിട്ടാണ് മെൽഗിബ്‌സൺ ഇവിടെ വരച്ചുകാട്ടിയിരിക്കുന്നത്. സിനിമയിൽ ഉപയോഗിച്ചിരിക്കുന്ന ഭാഷ പോലും മായനാണ്.
■ ഫർഹാദ് സാഫിന്യയും മെൽഗിബ്‌സണും ചേർന്നാണ് തിരക്കഥ രചിച്ചിരിക്കുന്നത്. ഡീം സെംലർ ഛായാഗ്രഹണവും ജോൺ റൈറ്റ് എഡിറ്റിംഗും നിർവഹിച്ചിരിക്കുന്നു. ജെയിംസ് ഹോർണറാണ് പശ്ചാത്തല സംഗീതമൊരുക്കിയിരിക്കുന്നത്.
✍sʏɴᴏᴘsɪs
■ മായൻ സംസ്കാരത്തിന്റെ അന്ത്യകാലഘട്ടമാണ് കഥാ പശ്ചാത്തലം. മെസോമേരിക്കൻ മഴക്കാടുകളിൽ ജീവിക്കുന്ന ഗോത്രവർഗ്ഗത്തിൽ നിന്നുമാണ് കഥയുടെ ആരംഭം. ഗോത്രത്തലവനായ ഫ്ലിന്റ് സ്കൈയും മകൻ ജഗ്വാർ പോവും കൂട്ടാളികളും അവരുടെ പതിവ് വേട്ടയ്ക്കിടയിൽ പലായനം ചെയ്തുകൊണ്ടിരിക്കുന്ന കുറച്ച് അഭയാർത്ഥികളെ കാണാനിടയാകുന്നു. അവരുടെ ഗ്രാമം മറ്റൊരു കൂട്ടം കാട്ടാളന്മാർ ആക്രമിച്ചു, യുദ്ധമുഖത്തുനിന്നു രക്ഷപ്പെട്ടു വന്നവരാണവർ, അവർക്കാവശ്യമുള്ളത് പുതിയൊരു തുടക്കമാണ്. ഫ്ലിന്റ് സ്‌കൈയുടെ ഗോത്രത്തിന്റെ അധീനമേഖലയിലൂടെ കടന്നുപോകാൻ അവർക്ക് സമ്മതം ചോദിക്കണമായിരുന്നു. സമ്മതം മൂളിയ ഫ്ലിന്റ് സ്കൈയും ജഗ്വാർ പോവും അവരുടെ മുഖത്ത് കണ്ടത് ഭയാനകമായ ഭീതിയായിരുന്നു. ഒരു ഘട്ടത്തിലും ഭീതി എന്ന രോഗത്തിന് കീഴ്‌പ്പെടരുതെന്നു ഫ്ലിന്റ് സ്കൈ തന്റെ മകൻ ജഗ്വാർ പോവിനെ ഉപദേശിക്കുന്നു. പക്ഷേ, അടുത്ത പ്രഭാതം അവർ ഉണർന്നത് സീറോ വോൾഫ് എന്ന കാട്ടാളൻ നയിക്കുന്ന സംഘത്തിന്റെ ആക്രമണത്തിലൂടെയാണ്. ഗോത്രത്തലവൻ ഫ്ലിന്റ് സ്കൈയെ അടക്കം അവർ കൊന്നു. മറ്റുള്ളവരെ അവർ തടവിലാക്കി, സ്ത്രീകളെയടക്കം. ജഗ്വാർ പോ, തന്റെ ഏഴുവയസ്സുള്ള മകനെയും പൂർണ്ണഗർഭിണിയായ ഭാര്യയേയും രക്ഷിക്കാനായി ഒരു കിണറിലൊളിപ്പിച്ചു. പക്ഷേ, ജഗ്വാർ പോവും കാട്ടാളരുടെ കൈയിലകപ്പെടുന്നതോടെ ആ അമ്മയും കുഞ്ഞും നിസ്സഹായതയുടെ പടുകുഴിയിൽ എന്നപോലെയാകുന്നു. അവരുടെ അതിജീവനത്തിന്റെ കഥ അവിടെ തുടങ്ങുകയാണ്, ഒപ്പം ജഗ്വാർ പോവിന്റെയും..
👥ᴄᴀsᴛ & ᴘᴇʀfᴏʀᴍᴀɴᴄᴇs
■ റൂഡി യങ്ബ്ലഡാണ് ജഗ്വാർ പോവിന്റെ വേഷത്തിൽ തകർത്തഭിനയിച്ചിരിക്കുന്നത്. ജഗ്വാർ പോവിന്റെ ഭാര്യ സെവൻ ആയി ഡാലിയ ഹെർണാണ്ടസും മനോഹരമായ അഭിനയമാണ് കാഴ്ച്ചവെച്ചത്. ഇറ്റാണ്ടേഹു ഗുട്ടിറെസ് (ഭാര്യ), ജോനാഥൻ ബ്രൂവർ (ബ്ലന്റഡ്), മെയ്‌റ സെർബുലോ (യങ് വുമൺ), മോറിസ് ബേർഡിയെല്ലോഹെഡ് (ഫ്ലിന്റ് സ്കൈ), കാർലോസ് എമിലിയോ ബയസ് (റ്റർട്ടിൽസ് റൺ), അമിക്കാർ റാമിറസ് (കർൾ നോസ്), ഇസ്രയേൽ കോംട്രേറാസ് (സ്‌മോക്ക് ഫ്രോഗ്), ഇസ്രയേൽ റയോസ് (കൊക്കോ ലീഫ്), മരിയ ഇസബെൽ ഡയസ് (അമ്മായിയമ്മ), ലാസ്വ ലാരിയോസ് (സ്കൈ ഫ്ലവർ), റൗൾ ട്രുജില്ലോ (സീറോ വോൾഫ്), ജറാർഡോ റ്ററസിനെ (മിഡിൽ ഐ), റോഡോൾഫോ പലാസിയോസ്‌ (സ്നേക്ക് ഇൻക്), ഏരിയൽ ഗൾവാൻ (ഹാങ്ങിങ് മോസ്), ഫെർണാണ്ടോ ഹെർണാണ്ടസ് (ഹൈ പ്രീസ്റ്റ്), റഫായേൽ വേലെസ് (മായൻ രാജാവ്), ഡയാന ബോട്ടല്ലോ (മായൻ രാജ്ഞി) തുടങ്ങിയവരാണ് മറ്റുപ്രധാന അഭിനേതാക്കൾ..
📎 ʙᴀᴄᴋwᴀsʜ
■ മികച്ച മേക്കപ്പ് (ആൽഡോ സിഗ്‌നോറെറ്റി, വിറ്റോറിയോ സൊഡാനോ), മികച്ച ശബ്ദമിശ്രണം (കെവിൻ ഓ'കോണെൽ, ഗ്രെഗ് P.റസ്സൽ, ഫെർണാണ്ടോ കമാറ), മികച്ച ശബ്ദസങ്കലനം (സീൻ മക്കോർമാക്, കാമി അസ്ഗർ) എന്നീ വിഭാഗങ്ങളിലായി മൂന്ന് ഓസ്കാർ നാമനിർദേശങ്ങൾ ലഭിച്ചിരുന്നു. വേൾഡ് ട്രേഡ് സെന്റർ എന്ന ഹോളിവുഡ് ചിത്രത്തിലെ പ്രധാന വേഷം ഉപേക്ഷിച്ചിട്ടാണ് മെൽഗിബ്‌സൺ അപോക്കലിപ്റ്റോ സംവിധാനം ചെയ്യാനൊരുങ്ങിയത്. പ്രശസ്‌ത സിനിമാനിരൂപകനായ സ്റ്റീവൻ സ്‌നൈഡർ "മരിക്കുന്നതിന് തീർച്ചയായും കണ്ടിരിക്കേണ്ട 1001 സിനിമകളിൽ ഒന്ന്" ആയി അപോക്കലിപ്റ്റോയെ തെരഞ്ഞെടുത്തിരുന്നു..
7.8/10 . IMDb
65% . Rotten Tomatoes
Riγαs Ρυliκκαl
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ