A Serbian Film

A Serbian Film » ᴀ ʀᴇᴛᴀʟɪᴀᴛᴇ

■ ലോകത്തിലെ ഏറ്റവും കുപ്രസിദ്ധമായ സിനിമകളുടെ ഒരു ലിസ്റ്റെടുത്താൽ അതിൽ ആദ്യ സ്ഥാനത്തുവരും ഈ ചിത്രം. നെക്രോഫീലിയയ്ക്കും പീഡോഫീലിയയ്ക്കും ബലാൽസംഘത്തിനും പുറമെ ന്യൂബോൺ പോൺ വരെ പച്ചയായി ചിത്രീകരിച്ചിരിക്കുന്നതിനാൽ സ്പെയിൻ, ജർമ്മനി, ഓസ്ട്രേലിയ, ന്യൂസിലാന്റ്, മലേഷ്യ, സിംഗപ്പൂർ, നോർവേ, ബ്രസീൽ തുടങ്ങിയ രാജ്യങ്ങളിൽ പ്രദർശനവിലക്കുണ്ടായിരുന്ന സിനിമയാണ് എ സെർബിയൻ ഫിലിം. ലൈംഗികാധാർമികതയുടെ ലംഘനമാരോപിച്ചും പ്രായപൂർത്തിയാകാത്തവരുടെ സുരക്ഷ മുൻനിർത്തിയും സെർബിയൻ സർക്കാർ ഈ സിനിമയ്‌ക്കെതിരെ അന്വേഷണത്തിന് ഉത്തരവിട്ടിരുന്നു..

Statutory Warning : മനക്കട്ടിയില്ലാത്തവർ ഒരു കാരണവശാലും ഈ സിനിമയുടെ ഏഴയലത്ത്പോലും വരരുത്.

■ സെർദൻ സ്പാസൊജെവിക് സംവിധാനം നിർവഹിച്ച ഇറോട്ടിക് മിസ്റ്ററി ഹൊറർ ത്രില്ലർ സെർബിയൻ ചിത്രമാണ് എ സെർബിയൻ ഫിലിം. സംവിധായകൻ സ്‌പാസോജെവിക്കും അലക്‌സാണ്ടർ റഡിവോജെവിക്കും ചേർന്നാണ് തിരക്കഥ രചിച്ചിരിക്കുന്നത്. നെമാഞ്ച ജൊവാനോവ് ഛായാഗ്രഹണവും ഡാർക്കോ സിമിക് എഡിറ്റിങ്ങും നിർവഹിച്ചിരിക്കുന്നു. സ്കൈ വിക്ലൂവാണ് പശ്ചാത്തല സംഗീതം ഒരുക്കിയിരിക്കുന്നത്.

✍sʏɴᴏᴘsɪs               

■ തന്റെ ഭാര്യ മരിജയ്ക്കും ആറു വയസ്സുകാരനായ മകൻ പീറ്ററിനുമൊപ്പം കുടുംബജീവിതം നയിച്ചുകൊണ്ടിരിക്കുന്ന ഒരു മുൻ പോൺ ആക്റ്ററായിരുന്നു മിലോസ്. തന്റെ ജോലി വിട്ട ശേഷം സാമ്പത്തിക പ്രതിസന്ധിയിൽപെട്ട് ഉഴലുകയായിരുന്ന മിലോസിനെ കാണാൻ ഒരിക്കൽ ലെജില എന്ന സഹപ്രവർത്തകയെത്തുന്നു. വുക്മീർ എന്നൊരു സമ്പന്നൻ മിലോസിനെ വെച്ചൊരു സിനിമ ചെയ്യാൻ ആഗ്രഹിക്കുന്നു എന്ന കാര്യം ലെജില മിലോസിനെ അറിയിക്കുന്നു. ശിഷ്ടകാലം മുഴുവൻ സമ്പന്നതയിൽ ജീവിക്കാനുള്ളത്ര പണമായിരുന്നു വുക്മീർ മിലോസിന് ഓഫർ ചെയ്തത്. പക്ഷേ, ഏതുതരത്തിലുള്ള സിനിമയാണ് വുക്മീർ മിലോസിനെ വെച്ച് നിർമ്മിക്കാൻ പോകുന്നതെന്ന കാര്യം കരാറിൽ ഒപ്പ് വെച്ച ശേഷവും മിലോസിന്‌ അജ്ഞാതമായിരുന്നു. ദുരൂഹതയുടെ മിലോസിന്റെ ജീവിതം തന്നെ മാറ്റിമറിക്കുന്ന യാത്ര തുടങ്ങുകയാണ്..

👥ᴄᴀsᴛ & ᴘᴇʀfᴏʀᴍᴀɴᴄᴇs       

■ സെർദൻ റ്റൊഡോറോവിക്കാണ് മിലോസ് ആയി വെള്ളിത്തിരയിൽ നിറഞ്ഞാടിയിരിക്കുന്നത്. വുക്മീർ എന്ന പോർണോഗ്രാഫറുടെ വേഷം അവതരിപ്പിച്ച സെർഗേജ് ട്രിഫ്യൂനോവിക്കിന്റെ അഭിനയപ്രകടനവും ഗംഭീരമായിരുന്നു. ജെലീന ഗാവ്രിലോവിക് (മരിജ, ഭാര്യ), ലൂക്ക മിജാട്ടോവിക് (പീറ്റർ, മകൻ), സ്ലൊബോഡൻ ബെസ്റ്റിക് (മാർക്കോ, സഹോദരൻ), കാതറീന സൂട്ടിക് (ലെജില), ആൻഡേല നെനഡോവിക് (ജേക), അന സാകിക് (ജേകയുടെ അമ്മ), ലിഡിജ പ്ലെറ്റി (ജേകയുടെ അമ്മൂമ്മ), ലെന ബൊഗ്ഡനോവിക് (ഡോക്ടർ), റ്റാഞ്ച ഡിവ്നിക്ക് (ടീച്ചർ), നടാഷ മിൽജസ് (ഗർഭിണി) തുടങ്ങിയവരാണ് മറ്റുപ്രധാന അഭിനേതാക്കൾ..

📎 ʙᴀᴄᴋwᴀsʜ

■ നാൽപ്പത്താറോളം രാജ്യങ്ങളിൽ നിരോധിക്കപ്പെട്ടിട്ടുള്ള സിനിമയാണ് എ സെർബിയൻ ഫിലിം. ഡേവിഡ് ഗോർഡൻ ഗ്രീനും ഡാനി മക്‌ബ്രൈഡും ഈ വർഷം ഏപ്രിലിൽ ഹോളിവുഡ് റീമേക്കിനുള്ള അവകാശം വാങ്ങി എന്ന വാർത്ത പരന്നിരുന്നു. പക്ഷേ, വാർത്ത പരന്ന ദിവസം ഏപ്രിൽ ഒന്നായിരുന്നതുകൊണ്ട് അതൊരു ഏപ്രിൽ ഫൂൾ പ്രാങ്ക്‌ ആണെന്ന നിഗമനത്തിലാണ് സിനിമാലോകം. പ്രശസ്ത ഓൺലൈൻ സിനിമാവിതരണക്കാരായ നെറ്റ്ഫ്ലിക്സ് 2011ൽ ഔദ്യോഗിക മുന്നറിയിപ്പൊന്നുമില്ലാതെ തന്നെ ഈ ചിത്രത്തെ അവരുടെ ലിസ്റ്റിൽ നിന്നും പൂർണ്ണമായും ഒഴിവാക്കിയിരുന്നു.


5.2/10 . IMDb
45% . Rotten Tomatoes




                     

Riγαs Ρυliκκαl