ഇതൊഴിവാക്കി പ്രധാന ഉള്ളടക്കത്തിലേക്ക് പോവുക

The Song Of Sparrows


The Song Of Sparrows » ᴀ ʀᴇᴛᴀʟɪᴀᴛᴇ

■ കഴിഞ്ഞ കുറച്ചു നാളുകളായി മാജിദ് മജീദി എന്ന സംവിധായകപ്രതിഭയ്ക്ക് പിന്നാലെ ഓടിക്കൊണ്ടിരിക്കുകയാണ്. അദ്ദേഹത്തിന്റെ സിനിമകൾ മനസ്സിനെ അത്രമാത്രം കീഴ്പ്പെടുത്തുന്നവയാണ്. മരുഭൂമി നിറഞ്ഞൊരു രാജ്യം മാത്രമാണ് ഇറാൻ എന്ന എന്റെ തെറ്റിദ്ധാരണയെ മാറ്റിമറിച്ചത് അദ്ദേഹത്തിന്റെ സിനിമകളാണ്. ജീവിതത്തിന്റെ പച്ചയായ യാഥാർഥ്യങ്ങളെ തുറന്ന് കാണിക്കുന്നവയാണ് അദ്ദേഹത്തിന്റെ പല സിനിമകളും. പ്രമേയങ്ങൾ വളരെ സിംപിളാണ്. പക്ഷേ, പവർഫുൾ. പ്രകൃതിയുടെ മനോഹാരിതയും ജീവിതത്തിന്റെ സുഖങ്ങളും ഒട്ടുമറിയാതെ കുടുംബത്തിന് വേണ്ടി കഷ്ടപ്പെടുന്ന ഒരു കുടുംബനാഥന്റെ കഠിനാദ്ധ്വാനമേറിയ ജീവിതത്തിന്റെ കഥ പറയുകയാണ് മാജിദ് മജീദി ഇവിടെ. അയാളിൽ നമുക്ക് നമ്മുടെ പിതാവിനെ കാണാം, അല്ലെങ്കിൽ നമ്മളെ തന്നെ അനുഭവിക്കാം..


■ മാജിദ് മജീദി സംവിധാനം നിർവഹിച്ചിരിക്കുന്ന ഫാമിലി ഡ്രാമാ പേർഷ്യൻ ചിത്രമായ ദി സൗണ്ട് ഓഫ് സ്പാരോസിന്റെ തിരക്കഥ രചിച്ചിരിക്കുന്നത് മാജിദ് മജീദിയും മെഹ്‌റാൻ കഷാനിയും ചേർന്നാണ്. തുറാജ് മൻസൂരി ഛായാഗ്രഹണവും ഹസ്സൻ ഹസ്സൻഡൂസ്ത് എഡിറ്റിങ്ങും നിർവഹിച്ചിരിക്കുന്നു. ഹുസൈൻ അലിസാദയാണ് പശ്ചാത്തല സംഗീതം നിർവഹിച്ചിരിക്കുന്നത്.


✍sʏɴᴏᴘsɪs               

■ തന്റെ ഭാര്യ നർഗീസിനും മൂന്ന് മക്കൾക്കുമൊപ്പം ടെഹ്റാനിനടുത്തുള്ള ഒരു കൊച്ചുഗ്രാമത്തിൽ സന്തോഷത്തോടെ ജീവിച്ചുപോരുന്ന ഒരു ഗൃഹനാഥനായിരുന്നു കരീം. ഒരു ഒട്ടകപക്ഷി ഫാമിലെ ജീവനക്കാരനായിരുന്ന കരീമിന്റെ ജോലി അവിടന്ന് ഒരു ഒട്ടകപക്ഷി ഓടിപ്പോവുന്നതോടുകൂടി നഷ്ടമാകുന്നു. ഓടിപ്പോയ ഒട്ടകപ്പക്ഷിയെ കരീം പഠിച്ച പണി പതിനെട്ടും പയറ്റിയിട്ടും കണ്ടെത്താൻ കഴിഞ്ഞില്ല. തന്റെ ഭാര്യയേയും മക്കളെയും പോറ്റാൻ ഇനിയെന്ത് ചെയ്യണമെന്നറിയാതെ അന്തിച്ചു നിൽക്കുന്ന കരീം ഒരു ദിവസം തന്റെ ബധിരയായ മൂത്തമകൾ ഹനിയയുടെ ഹിയറിങ് എയ്ഡ് റിപ്പയർ ചെയ്യാൻ വേണ്ടി ടെഹ്‌റാൻ നഗരത്തിലെത്തുന്നു. അവിടെ അപ്രതീക്ഷിതമായി തന്റെ ബൈക്ക് ഒരു ടാക്സിയായി ഓടിക്കേണ്ടി വന്ന അയാൾ അത് ജീവിതമാർഗമാക്കി മാറ്റുന്നു..


👥ᴄᴀsᴛ & ᴘᴇʀfᴏʀᴍᴀɴᴄᴇs       

■ കരീം എന്ന ഗൃഹനാഥന്റെ വേഷം അവിസ്മരണീയമാക്കിയിരിക്കുകയാണ് റേസാ നജി. കരീമിന്റെ ഭാര്യ നർഗീസായി അഭിനയിച്ചിരിക്കുന്നത് മറിയം അക്ബരിയാണ്. കരീമിന്റെ മകൻ ഹുസൈനായി ഹാമിദ് അഗാസിയും മൂത്തമകൾ ഹനിയയായി ശബ്നം അഖ്ലാഖിയും ചെറിയ മകൾ സാറയായി നെഷാത് നസരിയും അഭിനയിച്ചിരിക്കുന്നു. കമ്രാൻ ദേഹ്ഗൺ (അബ്ബാസ്), ഹസ്സൻ റേസ (റംസാൻ), പൊന്യ സലേഹി (പൊന്യ) തുടങ്ങിയവരാണ് മറ്റുപ്രധാന അഭിനേതാക്കൾ..


📎 ʙᴀᴄᴋwᴀsʜ

■ ധാരാളം ഫിലിം ഫെസ്റ്റിവലുകളിൽ മികച്ച ചിത്രത്തിനും മികച്ച നടനുമുള്ള പുരസ്കാരങ്ങളുൾപ്പെടെ വാരിക്കൂട്ടിയ ചിത്രമായിരുന്നു ദി സോങ് ഓഫ് സ്പാരോസ്. 2009ലെ മികച്ച വിദേശഭാഷാ ചിത്രത്തിനുള്ള ഓസ്കാർ പുരസ്‌കാരത്തിന് ഇറാന്റെ ഔദ്യോഗിക നോമിനിയായിരുന്നു ഈ ചിത്രം.



7.9/10 . IMDb
98% . Rotten Tomatoes



                     
Riγαs Ρυliκκαl

അഭിപ്രായങ്ങള്‍

ഒരു അഭിപ്രായം പോസ്റ്റ് ചെയ്യൂ

ഈ ബ്ലോഗിൽ നിന്നുള്ള ജനപ്രിയ പോസ്റ്റുകള്‍‌

Ayla: The Daughter of War

Ayla: The Daughter of War » ᴀ ʀᴇᴛᴀʟɪᴀᴛᴇ ■ ഞാനെന്റെ എല്ലാ സിനിമാ നിരൂപണങ്ങളുടെയും അവസാനമാണ് അതിന്റെ മലയാളം പരിഭാഷകന്റെ പേര് ഓർമിക്കാറ്. പക്ഷേ, ഇപ്രാവശ്യം പരിഭാഷകൻ ആദ്യമേ തന്നെ ഓർമിക്കപ്പെടണം എന്ന് തോന്നി. ഏറെക്കുറെ ഇംഗ്ലീഷും മലയാളവും  അറിയാവുന്ന അൽപ്പസ്വൽപ്പം ക്ഷമയും കഴിവുമുള്ള ഏതൊരാൾക്കും ഒരു വിദേശഭാഷാ സിനിമയുടെ മലയാളം പരിഭാഷകനാകാം എന്നുള്ളത് ഒരു പരിഭാഷകൻ എന്ന നിലയ്ക്ക് എനിക്ക് അറിയാവുന്ന കാര്യമാണ്. പക്ഷേ, ഒരു സിനിമയിലെ പാട്ടിനോ കവിതയ്‌ക്കോ അതിന്റെ കാവ്യാത്മകതയും ഒഴുക്കും ഒട്ടും ചോർന്നു പോകാതെ പരിഭാഷയൊരുക്കുക എന്ന് പറഞ്ഞാൽ അതൊരു അത്ഭുതം തന്നെയാണ്, ആ പരിഭാഷകൻ ശരിക്കുമൊരു കലാകാരൻ കൂടിയാണ്. അങ്ങനെ എന്നെ അത്ഭുതപ്പെടുത്തിയ പരിഭാഷകനാണ് ഐലായുടെ പരിഭാഷകൻ മുഹമ്മദ് ആസിഫ്. അതിന്റെ പശ്ചാത്തലത്തിൽ വരുന്ന ടർക്കിഷ് കവിതയ്ക്ക് എത്ര മനോഹരമായിട്ടാണ് ആസിഫ് പരിഭാഷ ഒരുക്കിയിരിക്കുന്നത്. ഐലാ എന്ന ടർക്കിഷ് ഫീൽ ഗുഡ് മൂവി കണ്ടിരിക്കേണ്ട ടർക്കിഷ് മൂവികളിൽ ആദ്യ സ്ഥാനത്ത് വരുന്ന ഒന്ന് തന്നെയാണ്. കാരണം, ഐലായിൽ ഇതൾ വിരിയുന്ന കണ്ണുനനയിക്കുന്ന ആത്മബദ്ധത്തിന്റെ കഥ യഥാർത്ഥത്തിൽ സംഭവിച്ചത് തന്നെയാണ്. കൊറിയൻ യുദ്ധത്...
ഒരു അഭിപ്രായം പോസ്റ്റ് ചെയ്യൂ
കൂടുതൽ‍ വായിക്കൂ

Naduvula Konjam Pakkatha Kaanom

Naduvula Konjam Pakkatha Kaanom » ᴀ ʀᴇᴛᴀʟɪᴀᴛᴇ ■ വിജയ് സേതുപതിയെ നായകനാക്കി ബാലാജി തരണീധരൻ സംവിധാനം ചെയ്ത കോമഡി എന്റർടൈനർ തമിഴ് ചിത്രമാണ് നടുവുള കൊഞ്ചം പാക്കാത കാണോം. സംവിധായകനായുള്ള ബാലാജിയുടെ അരങ്ങേറ്റ ചിത്രമായ ഇതിന്റെ തിരക്കഥ രചിച്ചിട്ടുള്ളതും അദ്ദേഹം തന്നെയാണ്. തന്റെ അടുത്ത സുഹൃത്ത് പ്രേംകുമാറിന്റെയും തന്റെയും മറ്റു രണ്ടുസുഹൃത്തുക്കളുടെയും അനുഭവകഥ തന്നെയാണ് ബാലാജി ഫ്രെയിമിലാക്കിയിരിക്കുന്നത്. ✍sʏɴᴏᴘsɪs                ■ പ്രേംകുമാർ എന്ന യുവാവ് താൻ ഒരു വർഷമായി പ്രണയിച്ചു കൊണ്ടിരിക്കുന്ന തന്റെ പ്രണയിനി ധനലക്ഷ്മിയുമായുള്ള വിവാഹത്തിനുള്ള എല്ലാ ഒരുക്കങ്ങളും  പൂർത്തിയാക്കി സുഹൃത്തുക്കളോടൊപ്പം സമയം ചെലവഴിച്ചു കൊണ്ടിരിക്കുന്നതിനിടയിൽ ജോലിയിലേയും വിവാഹത്തിന്റെയും സമ്മർദ്ദം കുറയ്ക്കുന്നതിന് വേണ്ടി കുറച്ചു നേരം ക്രിക്കറ്റ് കളിക്കാം എന്ന് തീരുമാനിക്കുന്നു. വിവാഹത്തിന്റെ രണ്ടു ദിവസം മുൻപ് നടക്കുന്ന ഈ കളി ആവേശകരമായി മുന്നേറുന്നതിനിടയിൽ ഒരു ക്യാച്ച് ചെയ്യുന്നതിന് ശ്രമിക്കുന്ന പ്രേംകുമാർ തലയടിച്ച് നിലത്ത് വീഴുന്നു. അതോടുകൂടി പ്രേംകുമാർ ഒരു വർഷം ത...
ഒരു അഭിപ്രായം പോസ്റ്റ് ചെയ്യൂ
കൂടുതൽ‍ വായിക്കൂ

Perfume: The Story Of A Murderer

Perfume: The Story Of A Murderer » ᴀ ʀᴇᴛᴀʟɪᴀᴛᴇ ■ ബെൻ വിഷോവിനെ കേന്ദ്രകഥാപാത്രമാക്കി ടോം ടൈക്വർ സംവിധാനം നിർവ്വഹിച്ച സൈക്കോളജിക്കൽ ക്രൈം ത്രില്ലർ ഫാന്റസി ഹോളിവുഡ് ചിത്രമാണ് പെർഫ്യൂം: ദി സ്റ്റോറി ഓഫ് ഏ മർഡറർ. ജർമൻ നോവലിസ്റ്റ് പാട്രിക് സുസ്‌കിന്ദിന്റെ ഇതേപേരിലുള്ള നോവലിനെ അടിസ്ഥാനമാക്കി ആൻഡ്രൂ ബിർക്കിൻ, ബേൺഡ് എയ്‌ശിങ്കർ, ടോം ടൈക്വർ എന്നിവരാണ് തിരക്കഥ എഴുതിയിരിക്കുന്നത്. ഫ്രാങ്ക് ഗ്രീബേ ഛായാഗ്രഹണവും അലക്സാണ്ടർ ബെർണർ എഡിറ്റിങ്ങും നിർവ്വഹിച്ചിരിക്കുന്നു. റെയ്നോൾഡ് ഹെയ്ൽ, ജോണി ക്ലൈമെക്, ടോം ടൈക്വർ എന്നിവർ ചേർന്നാണ് സംഗീതം നൽകിയിരിക്കുന്നത്. ✍sʏɴᴏᴘsɪs              ■ ജീൻ ബാപ്റ്റിസ്റ്റ് ഗ്രെനോവിൽ, അവൻ ജനിച്ചു വീണത് പാരീസിലെ ആ മീൻചന്തയിലെ മാലിന്യത്തിലേക്കാണ്. അവന്റെ അമ്മയുടെ അഞ്ചാമത്തെ കുട്ടി. ചോരപ്പൈതലിനെ കൊല്ലാനാണ് ആ സ്ത്രീ ശ്രമിച്ചത് എന്നാരോപിച്ച് അധികാരികൾ അവന്റെ അമ്മയെ തൂക്കിലേറ്റി. അങ്ങനെ ജനിച്ചപാടേ അവനൊരു അനാഥനായി. അനാഥാലയ നടത്തിപ്പുകാരി മാഡം ഗൈലാർഡ് ആ പിഞ്ചുകുഞ്ഞിനെ എടുത്തു വളർത്തി. നമുക്ക് അരോചകമായി തോന്നുന്ന സിനിമയിലെ രണ്ടുകാര്യങ്ങളാണ്, മാലിന...
ഒരു അഭിപ്രായം പോസ്റ്റ് ചെയ്യൂ
കൂടുതൽ‍ വായിക്കൂ