A Fistful Of Dollars » ᴀ ʀᴇᴛᴀʟɪᴀᴛᴇ
■ ക്ലിന്റിനെ നായകനാക്കി സെർജിയോ ലിയോണി സംവിധാനം ചെയ്ത "ഡോളേഴ്സ്" ത്രയത്തിലെ ആദ്യ ചിത്രം. സ്പാഗട്ടി വെസ്റ്റേൺ ജോണറിലുള്ള ഈ ചിത്രത്തിൻറെ തിരക്കഥ രചിച്ചിരിക്കുന്നത് മാർക്ക് ലോവേലും ക്ലിന്റ് ഈസ്റ്റ്വുഡും ചേർന്നാണ്. ജാക്ക് ഡാൽമസാണ് ഛായാഗ്രഹണം നിർവ്വഹിച്ചിരിക്കുന്നത്. റോബർട്ടോ സിൻക്വിനിയാണ് ചിത്രസംയോജകൻ. ഡോളേഴ്സ് ത്രയത്തിലെ മറ്റു ചിത്രങ്ങളിൽ നിന്നും വ്യത്യസ്തമായി എന്യോ മോറിക്കോണി, ഡാൻ സാവിയോ എന്ന അപരനാമത്തിലാണ് പശ്ചാത്തല സംഗീതം നിർവ്വഹിച്ചിരിക്കുന്നത്.
✍sʏɴᴏᴘsɪs
■ ഷെറീഫ് ആയ ജോൺ ബാക്സ്റ്ററിന്റെ കുടുംബവും റോജോ സഹോദരന്മാരുടെ കുടുംബവും നിയന്ത്രിച്ചുകൊണ്ടിരിക്കുന്ന ചെറുപട്ടണം. രണ്ടുകുടുംബങ്ങളും തമ്മിലുള്ള ശത്രുതയുടെ പോരാട്ടങ്ങൾ കാരണം ഒരു ശവപ്പറമ്പായി തീർന്ന സാൻ മിഗ്വേൽ എന്ന അമേരിക്കയുടെയും മെക്സിക്കോയുടെയും അതിർത്തിയിൽ കിടക്കുന്ന ആ ചെറുപട്ടണത്തിലേക്ക് വരുന്ന "ദി മാൻ വിത്ത് നോ നെയിം". കൂട്ടത്തിൽ ശക്തരായ, റാമോൺ എന്ന ക്രിമിനൽ നേതൃത്വം കൊടുക്കുന്ന റോജോ ഗ്യാങ്ങിൽ ചേരുന്ന ക്ലിന്റിന്റെ കഥാപാത്രം; റാമോൺ, ഭർതൃമതിയും ഒരു ബാലന്റെ അമ്മയുമായ മാരിസോൾ എന്ന യുവതിയെ അന്യായമായി വീട്ടുതടവിൽ പാർപ്പിച്ചിരിക്കുന്നതായി മനസ്സിലാക്കുന്നു.
👥ᴄᴀsᴛ & ᴘᴇʀfᴏʀᴍᴀɴᴄᴇs
■ ക്ലിന്റ് ഈസ്റ്റ്വുഡിന് താരപദവി സമ്മാനിച്ച "ദി മാൻ വിത്ത് നോ നെയിം" അക്ഷരാർത്ഥത്തിൽ ഹെവി മാസ്സായി തന്നെ ക്ലിന്റ് അവതരിപ്പിച്ചിരിക്കുന്നു. എടുത്തുപറയേണ്ട മറ്റൊരു കഥാപാത്രം, ജോൺ വെൽസ് അവതരിപ്പിച്ച റാമോൺ റോജോ എന്ന വില്ലൻ വേഷമാണ്. മര്യാനെ കോച്ചാണ് മാരിസോൾ എന്ന മുഖ്യ വേഷം ചെയ്തിരിക്കുന്നത്. ജോസ് കാൽവോ നായകൻറെ ഉറ്റസുഹൃത്തായിത്തീരുന്ന ബാർ ഉടമസ്ഥൻ, സിൽവാനിറ്റോയുടെ വേഷത്തിലെത്തുന്നു. ജോ എഡ്ഗർ (പ്രിപ്പേരോ), അന്റോണിയോ പ്രീറ്റോ (ബെനിറ്റോ റോജോ), എസ്. റുപ്പ് (എസ്റ്റെബാൻ റോജോ), W. ലുക്സ്ച്ചി (ഷെറിഫ് ജോൺ ബാക്സ്റ്റർ), മാർഗരിറ്റോ ലോസാനോ (കൺസ്യൂലോ ബാക്സ്റ്റർ), ബ്രൂണോ കരോട്ടെനിറ്റോ (അന്റോണിയോ ബാക്സ്റ്റർ), ഡാനിയേൽ മാർട്ടിൻ (ജൂലിയോ), റിച്ചാർഡ് സ്യൂവസന്റ് (ചീകോ), ബെന്നി റീവ്സ് (റുബിയോ), ആൽഡോ സാമ്പ്രെലി (മനോലോ) തുടങ്ങിയവരാണ് മറ്റു പ്രധാന അഭിനേതാക്കൾ.
📎 ʙᴀᴄᴋwᴀsʜ
■ പ്രശസ്ത ജാപ്പനീസ് സംവിധായകൻ അക്കീറോ കുറസോവയുടെ യോജിമ്പോ എന്ന ജാപ്പനീസ് സിനിമയുടെ അനൗദ്യോഗിക റീമേക്ക് എന്ന് പറയാം ഈ സിനിമ. 1964ൽ ഇറ്റലിയിൽ ആദ്യമായി റിലീസായ ഈ സിനിമ പിന്നീട് അമേരിക്കയിൽ ക്ലിന്റിന് താരപരിവേഷം ലഭിച്ചതിന് ശേഷവും സ്പാഗട്ടി വെസ്റ്റേൺ ജോണറിനു ജനപ്രിയത ലഭിച്ചതിനും ശേഷം 1967ലാണ് റിലീസാകുന്നത്.
"Baxter's over there, Rojo's there, me right smack in the middle."
Riγαs Ρυliκκαl
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ