Lock, Stock & Two Smoking Barrels » ᴀ ʀᴇᴛᴀʟɪᴀᴛᴇ
■ ക്രൈം, കോമഡി ജോണറിൽപ്പെടുന്ന ഈ സിനിമ തിരക്കഥയെഴുതി സംവിധാനം ചെയ്തിരിക്കുന്നത് ഗയ് റിച്ചിയാണ്. ടിം മോറിസ് ജോൺസാണ് ഛായാഗ്രഹണം നിർവ്വഹിച്ചിരിക്കുന്നത്. മഞ്ഞയും ബ്രൗണും ഗ്രേയും ചേർന്നുള്ള ഒരു പ്രത്യേക കളർടോണാണ് ഉപയോഗിച്ചിരിക്കുന്നത്. നിവൻ ഹോവെയാണ് ചിത്രസംയോജകൻ. ഡേവിഡ് എ.ഹ്യൂജസും ജോൺ മർഫിയും ചേർന്നാണ് ചിത്രത്തിന് സംഗീതം നൽകിയിരിക്കുന്നത്. അമേരിക്കൻ സംഗീതരാജ്ഞി മഡോണ ഇതിലെ സൗണ്ട് ട്രാക്കിൽ ആകൃഷ്ടയായി തന്റെ ആൽബത്തിൽ ഉൾപ്പെടുത്തിയിരുന്നു. ഇതിനായി അവർ ചിത്രത്തിൻറെ സംവിധായകൻ റിച്ചിയെയും നിർമ്മാതാവ് മാത്യു വോണിനെയും കോൺടാക്ട് ചെയ്തു. പിന്നീട് സംവിധായകൻ റിച്ചിയുമായി മഡോണ പ്രണയത്തിലായതും അവർ തമ്മിൽ വിവാഹിതരായതും ചരിത്രം.
✍sʏɴᴏᴘsɪs
■ അല്ലറ ചില്ലറ മോഷണവും മോഷണ മുതൽ വ്യവഹാരവുമായി നടക്കുന്ന നാല് യുവാക്കൾ; എഡ്ഡി, ടോം, സോപ്പ്, ബേക്കൺ. എഡ്ഡി നഗരത്തിലെ ഒരു ബാറുടമയുടെ മകൻ. ചൂതുകളിയിൽ അഗ്രഗണ്യനായിരുന്ന എഡ്ഡി നാലുപേരുടെയും ആകെ സമ്പാദ്യമായ ഒരു ലക്ഷം പൗണ്ടുമായി നഗരത്തിലെ അധോലോക നേതാവ് ഹാഷെറ്റ് ഹാരിയുമായി ചൂതുകളിയിൽ ഏർപ്പെടുന്നു. ഹാരി പക്ഷേ ചതിയിലൂടെ എഡ്ഡിയെ തോൽപ്പിക്കുന്നു. അഞ്ചുലക്ഷം പൗണ്ടെന്ന വൻതുക കടബാധ്യതയിൽ പെട്ടുപോകുന്ന എഡ്ഡിക്ക് ഹാരി കടംവീട്ടാൻ ഒരാഴ്ച്ച സമയം നൽകുന്നു. ഹാരിക്ക് കൊടുക്കാനുള്ള വൻതുക സ്വരൂപിക്കാൻ നിവൃത്തിയില്ലാതാകുന്ന ആ നാല് യുവാക്കൾ അവരുടെ അയൽക്കാരായ കൊള്ളസംഘത്തിൽ നിന്നും പണം കൊള്ളയടിക്കാൻ പദ്ധതിയിടുന്നു.
👥ᴄᴀsᴛ & ᴘᴇʀfᴏʀᴍᴀɴᴄᴇs
■ നിക്ക് മോറൻ (എഡ്ഡി), ജെയ്സൺ ഫ്ലെമിംഗ് (ടോം), ഡെക്സ്റ്റർ ഫ്ലെച്ചർ (സോപ്പ്), ജെയ്സൺ സ്റ്റാതം (ബേക്കൺ), സ്റ്റീവൻ മക്കിന്റോഷ് (വിൻസ്റ്റൺ), വിന്നി ജോൺസ് (ബിഗ് ക്രിസ്), നിക്കോളാസ് റോവേ (ജെ), ലെന്നി മക്മക്ലീൻ (ബാരി), പി.എച്ച്.മോറിയർട്ടി (ഹാഷെറ്റ് ഹാരി), ഫ്രാങ്ക് ഹാർപ്പർ (ഡോഗ്), സ്റ്റിങ് (ജെഡി), ഹഗ്ഗി ലീവർ (പോൾ), സ്റ്റീഫൻ മാർക്കസ് (നിക്ക്), വാസ് ബ്ലാക്ക്വുഡ് (റോറി ബ്രേക്കർ) വേര ഡേ (ടാന്യ), അലൻ ഫോർഡ് (അലൻ), ഡാനി ജോൺ ജൂൾസ് (ബാർഫ്ലൈ ജാക്ക്), വിക്ടർ മക്ഗൈർ (ഗാരി), റോബ് ബ്രൈഡൻ (ട്രാഫിക് വാർഡൻ) എന്നിവരാണ് പ്രധാന അഭിനേതാക്കൾ.
📎 ʙᴀᴄᴋwᴀsʜ
■ ഗയ് റിച്ചി ജെയ്സൺ സ്റ്റാതമിനെ കണ്ടെത്തുമ്പോൾ സ്റ്റാതം; വ്യാജ ആഭരണങ്ങളും വ്യാജ പെർഫ്യൂമുകളും വിൽക്കുന്ന ഒരു തെരുവ് കച്ചവക്കാരനായിരുന്നു എന്നത് ഒരു രസകരമായ വസ്തുതയാണ്. സിനിമയുടെ തുടക്കത്തിൽ സ്റ്റാതമും ഒരു സുഹൃത്തും ചേർന്ന് ഇതേ കച്ചവടം നടത്തുന്ന രംഗമുണ്ട്. തൊണ്ണൂറുകളുടെ മധ്യത്തിൽ അൽപ്പസ്വൽപ്പം മോഡലിംഗും ചെയ്തു നടക്കുന്ന കാലത്ത് ജീവിതച്ചിലവ് നിയന്ത്രിക്കാൻ സ്റ്റാതം തന്റെ അച്ഛന്റെ തൊഴിലായിരുന്ന തെരുവ് കച്ചവടവും ചെയ്തിരുന്നു. അമേരിക്കയിൽ ഡിസ്ട്രിബിയൂട്ടേഴ്സിനെ കിട്ടാൻ ബുദ്ധിമുട്ട് നേരിട്ടപ്പോൾ നടൻ ടോം ക്രൂയിസായിരുന്നു സഹായത്തിനെത്തിയത് എന്നും ഒരു കഥയുണ്ടായിരുന്നു.
Riγαs Ρυliκκαl
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ