Mudhalvan » ᴀ ʀᴇᴛᴀʟɪᴀᴛᴇ
∆1999ൽ ശങ്കർ സംവിധാനം ചെയ്ത അർജുൻ നായകനായ പൊളിറ്റിക്കൽ ത്രില്ലർ മൂവിയാണ് മുതൽവൻ.. തന്റെ കന്നി ചിത്രമായ ജെന്റിൽമാനിലെ നായകൻ അർജുനെ തന്നെ നായകനാക്കി ശങ്കർ രചിച്ചത് മറ്റൊരു വൻഹിറ്റായിരുന്നു.
■തെലുങ്കിലേക്ക് ഒക്കെ ഒക്കഡു എന്ന പേരിൽ ചിത്രം മൊഴിമാറ്റം ചെയ്യപ്പെട്ടിട്ടുണ്ട്. ഹിന്ദിയിലേക്ക് നായക് എന്ന പേരിലും ബംഗാളിയിലേക്ക് മിനിസ്റ്റർ ഫറ്റാകെഷ്ടോ എന്ന പേരിലും റീമേക്ക് ചെയ്യപ്പെട്ടു.
■1999ലെ മികച്ച നടൻ (അർജുൻ), മികച്ച വില്ലൻ (രഘുവരൻ), മികച്ച സംഗീത സംവിധായകൻ (എ.ആർ.റഹ്‌മാൻ), മികച്ച ഹാസ്യനടൻ (വടിവേലു) എന്നിവയ്ക്കുള്ള തമിഴ്നാട് സ്റ്റേറ്റ് ഫിലിം അവാർഡുകൾക്ക് പുറമെ മികച്ച സംഗീത സംവിധായകനുള്ള ഫിലിം ഫെയർ അവാർഡും മികച്ച കൊറിയോഗ്രാഫർക്കുള്ള (ചിന്നി പ്രകാശ്) ഫിലിം ഫെയർ അവാർഡും ചിത്രം കരസ്ഥമാക്കി.
✍sʏɴᴏᴘsɪs
■1977കളിലെ നിക്‌സൺ ഫ്രോസ്റ്റ് ഇന്റർവ്യൂകളാണ് ചിത്രത്തിൻറെ മൂല പ്രമേയം. പണ്ടെന്നോ കേട്ട ഒരുനാൾ രാജാവ് എന്ന കുട്ടിക്കഥ പ്രമേയമാക്കി ശങ്കർ അണിയിച്ചൊരുക്കിയ ഈ ചിത്രം പിൽക്കാലത്ത് പലർക്കും പ്രചോദനമായിട്ടുണ്ട്. ഒരു ടെലിവിഷൻ റിപ്പോർട്ടറായ പുകഴേന്തിക്ക് തമിഴ്നാട് മുഖ്യമന്ത്രിയുമായി ഇന്റർവ്യൂ നടത്താൻ അവസരം ലഭിക്കുന്നു. ഭരണത്തിലെ പല വീഴ്ച്ചകളും അനാസ്ഥകളും തെളിവ് സഹിതം തുറന്നു കാട്ടുന്ന പുകഴേന്തിക്കു മുൻപിൽ മുഖ്യമന്ത്രി പതറുന്നു. തന്റെ ചമ്മലിൽ നിന്നും രക്ഷപ്പെടാൻ വേണ്ടി ഒരു ദിവസം മുഖ്യമന്ത്രിയായി ഭരിച്ചു കാണിക്കാൻ പുകഴേന്തിയെ വെല്ലുവിളിക്കുന്നു. പുകഴേന്തി ആ വെല്ലുവിളി സ്വീകരിക്കുന്നു.
👥ᴄᴀsᴛ & ᴘᴇʀfᴏʀᴍᴀɴᴄᴇs
■ടിവി റിപ്പോർട്ടറായും പിന്നീട് തമിഴ്നാട് മുഖ്യമന്ത്രിയായും അർജുൻ സർജ അസാമാന്യ പ്രകടനം തന്നെയാണ് കാഴ്ച്ച വെച്ചിരിക്കുന്നത്. പുകഴേന്തിയുടെ പ്രണയിനിയായ നിഷ്കളങ്ക ഗ്രാമീണ യുവതിയായി (തേന്മൊഴി) മനീഷ കൊയ്‌രാള വേഷമിട്ടിരിക്കുന്നു. ശക്തനായ വില്ലൻ കഥാപാത്രമായി (മുഖ്യമന്ത്രി അരങ്കനാഥൻ) രഘുവരനും ഗംഭീര പ്രകടനം കാഴ്ച്ചവെച്ചിരിക്കുന്നു. വടിവേലു (പലവേശം), മണിവണ്ണൻ (മായകൃഷ്ണൻ), വിജയകുമാർ (തേന്മൊഴിയുടെ അച്ഛൻ), ലൈല (ശുഭ) തുടങ്ങിയവരാണ് മറ്റു പ്രധാന താരങ്ങൾ.
📽✄ᴛᴇᴄʜɴɪᴄᴀʟ sɪᴅᴇs
■കെ.വി.ആനന്ദാണ് ചിത്രത്തിൻറെ ഛായാഗ്രാഹകൻ.. മനോഹരമായ ഗാനങ്ങൾക്കിണങ്ങിയ അതിമനോഹര ദൃശ്യങ്ങൾ ആനന്ദ് ക്യാമറയിൽ പകർത്തി. മലയാള ചലച്ചിത്രം തേന്മാവിൻ കൊമ്പത്തിന്‌ ക്യാമറ ചലിപ്പിച്ചു കൊണ്ടായിരുന്നു ആനന്ദിന്റെ തുടക്കം. അതിനദ്ദേഹത്തിന് ദേശീയ അവാർഡും ലഭിച്ചിരുന്നു.
■ബി.ലെനിനും വി.ടി.വിജയനും ചേർന്നാണ് ചിത്രത്തിൻറെ എഡിറ്റിങ് നിർവ്വഹിച്ചിരിക്കുന്നത്.
💃🏻🤺ᴄʜᴏʀᴇᴏɢʀᴀᴘʜʏ & sᴛᴜɴᴛs
■ബോളിവുഡിൽ പ്രതിഭ തെളിയിച്ച ചിന്നി പ്രകാശാണ് ചിത്രത്തിന് വേണ്ടി നൃത്തച്ചുവടുകൾ ഒരുക്കിയത്. എ.ആർ.റഹ്‌മാന്റെ മനോഹരമായ ഗാനങ്ങൾക്കും കെ.വി.ആനന്ദിന്റെ സുന്ദരമായ ഛായാഗ്രഹണത്തിനും അനുയോജ്യമായി മനോഹരമായി നൃത്തമൊരുക്കിയ ചിന്നിയുടെ മികവിനുള്ള അംഗീകാരമായി ആ വർഷത്തെ മികച്ച കൊറിയോഗ്രാഫർക്കുള്ള ഫിലിം ഫെയർ അവാർഡ്. മലയാള ചിത്രം യോദ്ധയ്ക്കും ചിന്നി നൃത്തമൊരുക്കിയിരുന്നു.
■കനൽ കണ്ണനായിരുന്നു മുതൽവനിലെ ആക്ഷൻ രംഗങ്ങളൊരുക്കിയത്. ഇന്ത്യയിലെ ഇപ്പോഴത്തെ മൂല്യമേറിയ സ്റ്റണ്ട് മാസ്‌റ്ററായ പീറ്റർ ഹെയ്ൻ അസിസ്റ്റന്റ് ചെയ്തിരുന്നു ഈ ചിത്രത്തിൽ. അർജുൻ മണ്ണിൽ കുളിച്ചു സ്റ്റണ്ട് ചെയ്ത രംഗങ്ങൾ പ്രശസ്തമായിരുന്നു.
🎵🎧ᴍᴜsɪᴄ & ʙᴀᴄᴋɢʀᴏᴜɴᴅ sᴄᴏʀᴇs
■ശങ്കർ സിനിമകളിലെ സ്ഥിരം സംഗീത സംവിധായകനായ എ.ആർ.റഹ്‌മാൻ തന്നെയാണ് ചിത്രത്തിലെ ആറ് ഗാനങ്ങൾക്കും സംഗീതം നൽകിയിരിക്കുന്നത്. "കുറുക്കു ചിരുത്തവളേ, മുതൽവനെ, ഉപ്പുകറുവാഡ്, അഴകാന രാച്ചസിയെ, ഉലുന്ത് വിതക്കയിലെ, ഷകലക ബേബി" എന്നിങ്ങനെയുള്ള മുഴുവൻ ഗാനങ്ങളും സൂപ്പർഹിറ്റുകളായിരുന്നു.
📎 ʙᴀᴄᴋwᴀsʜ
• ചിത്രത്തിലെ നായക കഥാപാത്രം പുകയേന്തിയെ ചെയ്യാനായി സംവിധായകൻ ആദ്യം സമീപിച്ചത് സൂപ്പർസ്റ്റാർ രജനീകാന്തിനെയായിരുന്നു. പക്ഷേ, കഥയിലെ രാഷ്ട്രീയക്കാരോടുള്ള വിരോധം തന്നെ പ്രതികൂലമായി ബാധിക്കുമോ എന്ന് ഭയന്ന് രജനി അതിൽ നിന്നും പിന്മാറി. ഒരു പക്ഷേ രജനി അഭിനയിച്ചിരുന്നെങ്കിൽ മറ്റൊരു ചരിത്രമാവേണ്ട സിനിമ, ശങ്കർ തന്നെ താരപദവിലെത്തിച്ച അർജുന് മറ്റൊരു ബ്രേക്കാണ് സമ്മാനിച്ചത്.
Riγαs Ρυliκκαl
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ