ഇതൊഴിവാക്കി പ്രധാന ഉള്ളടക്കത്തിലേക്ക് പോവുക

Tae Guk Gi : The Brotherhood Of War


Tae Guk Gi : The Brotherhood Of War » ᴀ ʀᴇᴛᴀʟɪᴀᴛᴇ

■ ദക്ഷിണ കൊറിയയുടെ ദേശീയ പതാകയെ വിശേഷിപ്പിക്കുന്ന പേരാണ് തയേഗ്യൂക്കി. രണ്ടാം ലോകമഹായുദ്ധത്തിൽ ജപ്പാൻ ദയനീയമായി പരാജയപ്പെട്ടതോടെ 35 വർഷമായി ജപ്പാന്റെ അധീനതയിലായിരുന്ന കൊറിയൻ ഉപദ്വീപ് സ്വതന്ത്രമായി. പക്ഷേ അതിന് ശേഷമായിരുന്നു കൊറിയൻ ജനതയുടെ യഥാർത്ഥ കഷ്ടകാലം തുടങ്ങിയത്. അമേരിക്കയും സോവിയറ്റ് യൂണിയനും തമ്മിൽ ഉടലെടുത്ത ശീതയുദ്ധകാലത്ത് കൊറിയയുടെ ഉത്തരഭാഗം സോവിയറ്റ് യൂണിയനും തെക്ക് ഭാഗം അമേരിക്കയും കൈവശം വെച്ചു. 1948ൽ UN ഇടപെട്ടു ഏകീകൃത കൊറിയക്കായി ശ്രമിച്ചെങ്കിലും നടന്നില്ല. തുടർന്ന് UNന്റെ  മേൽനോട്ടത്തിൽ കൊറിയയിൽ തെരഞ്ഞെടുപ്പ് നടത്താൻ തീരുമാനമായി. പക്ഷേ അമേരിക്കയുടെ സഹായത്തോടെ ദക്ഷിണകൊറിയയിൽ മാത്രമേ തെരഞ്ഞെടുപ്പ് നടത്താൻ സാധിച്ചുള്ളൂ.  സിങ്മാൻ റീയുടെ നേതൃത്വത്തിൽ ദക്ഷിണകൊറിയയിൽ കമ്മ്യൂണിസ്റ്റ് വിരുദ്ധസർക്കാർ തെരഞ്ഞെടുക്കപ്പെട്ടപ്പോൾ സോവിയറ്റിന്റെ തലവൻ ജോസെഫ് സ്റ്റാലിൻ ഉത്തരകൊറിയയുടെ ഭരണം കിം ഇൽ സുങ്ങിനെ ഏൽപ്പിച്ചു. അന്ന് തുടങ്ങിയതാണ്  പതിറ്റാണ്ടുകൾ പിന്നിട്ടിട്ടും മുറിവുണങ്ങാത്ത ശത്രുത. 1950ൽ തുടങ്ങിയ കൊറിയൻ യുദ്ധം  പശ്ചാത്തലമാക്കി കാങ് ജേ ഗ്യു സംവിധാനം ചെയ്ത ചിത്രമാണ് തയേഗ്യൂക്കി : ദി ബ്രദർഹുഡ് ഓഫ് വാർ. യുദ്ധപശ്ചാത്തലത്തിൽ രണ്ടുസഹോദരങ്ങൾ തമ്മിലുള്ള മനോഹരമായ സ്നേഹത്തിന്റെ കഥകൂടി പറയുന്നു ഈ സിനിമ. കാങ് ജേ ഗ്യു, ഹാൻ ജി ഹുൻ, കിം സാങ് ഡോൺ എന്നിവർ ചേർന്നാണ് തിരക്കഥ എഴുതിയിരിക്കുന്നത്. ഹോങ് ക്യുങ് പ്യോ ഛായാഗ്രഹണവും ക്യോങ് ഹേ ചോയ് എഡിറ്റിങ്ങും നിർവ്വഹിച്ചിരിക്കുന്നു. ലീ ഡോങ് ജുനിന്റെതാണ് സംഗീതം. പ്രോലോഗ് എന്ന മുഖ്യപശ്ചാത്തല സംഗീതം അതിമനോഹരം.

✍sʏɴᴏᴘsɪs               

■ ഷൂ പോളീഷിംഗിലൂടെ കിട്ടുന്ന തുച്ഛമായ വരുമാനം കൊണ്ട് തന്റെ അനിയന്റെ പഠനവും കുടുംബവും നോക്കി നടത്തിയിരുന്ന ജ്യേഷ്ഠൻ. ജ്യേഷ്ഠനെ അതിരറ്റ് സ്നേഹിക്കുന്ന അനിയൻ. അവരുടെ സംസാരശേഷി നഷ്ടപ്പെട്ട അമ്മയും ജ്യേഷ്ഠന്റെ പ്രതിശ്രുത വധുവും അടങ്ങുന്ന ആ കൊച്ചുകുടുംബം സന്തോഷത്തിലും സമാധാനത്തിലും ജീവിച്ചുകൊണ്ടിരിക്കവെയാണ് മുഴുവൻ കൊറിയൻ ജനതയുടെയും ജീവിതം താറുമാറാക്കിയ കൊറിയൻ യുദ്ധം പൊട്ടിപ്പുറപ്പെടുന്നത്. നിർബന്ധിത സൈനിക സേവനത്തിന് വിധിച്ച് ദക്ഷിണകൊറിയൻ സൈന്യം കൊണ്ടുപോയ തന്റെ സഹോദരനെ രക്ഷിക്കാനായി ക്യാംപിൽ എത്തുന്ന ജ്യേഷ്ഠനും അവസാനം സൈന്യത്തിന്റെ ഭാഗമാകേണ്ടി വരുന്നു. തന്റെ സഹോദരനെ എങ്ങനെയെങ്കിലും തിരികെ വീട്ടിലേക്ക് വിടണമെന്ന് മേലുദ്യോഗസ്ഥനോട് ആവശ്യപ്പെടുന്ന ജ്യേഷ്ഠന് മുൻപിൽ മേലുദ്യോഗസ്ഥൻ ഒരു ഓഫർ വെക്കുന്നു. സൈന്യത്തിന് അഭിമാനിക്കാനുതകുന്ന തരത്തിലുള്ളൊരു പ്രകടനം ജ്യേഷ്ഠനിൽ നിന്നുണ്ടായാൽ അനിയനെ വീട്ടിലേക്കയക്കാം. അങ്ങനെ സ്വന്തം അനിയനെ രക്ഷിക്കാനായി ജ്യേഷ്ഠൻ എല്ലാവിധ അപകടകരമായ മിഷനും ഏറ്റെടുക്കുന്നു.

👥ᴄᴀsᴛ & ᴘᴇʀfᴏʀᴍᴀɴᴄᴇs       

■ ജാങ് ഡോങ് ഗുനാണ് ലീ ജിൻ തേ എന്ന ജ്യേഷ്ഠന്റെ വേഷം അവതരിപ്പിച്ചിരിക്കുന്നത്. വോൻ ബിൻ; ലീ ജിൻ സ്യോക് എന്ന അനിയന്റെ വേഷവും ചെയ്തിരിക്കുന്നു. ലീ ഊൻ ജു (കിം യോങ് ഷിൻ - പ്രതിശ്രുതവധു), ലീ റാൻ യോങ് (അമ്മ), ചോയ് മിൻസിക് (ഉത്തരകൊറിയൻ കമാന്റർ), ഗോങ് ഹ്യോങ് ജിൻ (യോങ് മാൻ), ആൻ ഗിൽ കാങ് (സെർജെന്റ് ഹ്യോ), ജ്യോൻ ജേ ഹ്യോങ് (യോങ് സ്യോക്), ജോ യൂൻ ഹീ (ലീ ജിൻ സ്യോകിന്റെ പേരമകൾ) തുടങ്ങിയവരാണ് മറ്റുപ്രധാന അഭിനേതാക്കൾ.

📎 ʙᴀᴄᴋwᴀsʜ

■ ഏഷ്യാ പസഫിക് ഫിലിം ഫെസ്റ്റിവലിൽ മികച്ച ചിത്രത്തിനും മികച്ച സംവിധായകനുമുള്ള പുരസ്കാരം സ്വന്തമാക്കി. ഭൂരിപക്ഷം സമയവും ദക്ഷിണകൊറിയയുടെ ഭാഗത്തുനിന്നാണ് കൊറിയൻ യുദ്ധം വിവരിച്ചതെങ്കിലും ഇരുകൊറിയൻ സൈന്യവും കാണിച്ച ക്രൂരതകൾ തുറന്നു കാണിച്ചിട്ടുണ്ട് ഈ സിനിമയിൽ.


                     
Riγαs Ρυliκκαl

അഭിപ്രായങ്ങള്‍

ഒരു അഭിപ്രായം പോസ്റ്റ് ചെയ്യൂ

ഈ ബ്ലോഗിൽ നിന്നുള്ള ജനപ്രിയ പോസ്റ്റുകള്‍‌

Naduvula Konjam Pakkatha Kaanom

Naduvula Konjam Pakkatha Kaanom » ᴀ ʀᴇᴛᴀʟɪᴀᴛᴇ ■ വിജയ് സേതുപതിയെ നായകനാക്കി ബാലാജി തരണീധരൻ സംവിധാനം ചെയ്ത കോമഡി എന്റർടൈനർ തമിഴ് ചിത്രമാണ് നടുവുള കൊഞ്ചം പാക്കാത കാണോം. സംവിധായകനായുള്ള ബാലാജിയുടെ അരങ്ങേറ്റ ചിത്രമായ ഇതിന്റെ തിരക്കഥ രചിച്ചിട്ടുള്ളതും അദ്ദേഹം തന്നെയാണ്. തന്റെ അടുത്ത സുഹൃത്ത് പ്രേംകുമാറിന്റെയും തന്റെയും മറ്റു രണ്ടുസുഹൃത്തുക്കളുടെയും അനുഭവകഥ തന്നെയാണ് ബാലാജി ഫ്രെയിമിലാക്കിയിരിക്കുന്നത്. ✍sʏɴᴏᴘsɪs                ■ പ്രേംകുമാർ എന്ന യുവാവ് താൻ ഒരു വർഷമായി പ്രണയിച്ചു കൊണ്ടിരിക്കുന്ന തന്റെ പ്രണയിനി ധനലക്ഷ്മിയുമായുള്ള വിവാഹത്തിനുള്ള എല്ലാ ഒരുക്കങ്ങളും  പൂർത്തിയാക്കി സുഹൃത്തുക്കളോടൊപ്പം സമയം ചെലവഴിച്ചു കൊണ്ടിരിക്കുന്നതിനിടയിൽ ജോലിയിലേയും വിവാഹത്തിന്റെയും സമ്മർദ്ദം കുറയ്ക്കുന്നതിന് വേണ്ടി കുറച്ചു നേരം ക്രിക്കറ്റ് കളിക്കാം എന്ന് തീരുമാനിക്കുന്നു. വിവാഹത്തിന്റെ രണ്ടു ദിവസം മുൻപ് നടക്കുന്ന ഈ കളി ആവേശകരമായി മുന്നേറുന്നതിനിടയിൽ ഒരു ക്യാച്ച് ചെയ്യുന്നതിന് ശ്രമിക്കുന്ന പ്രേംകുമാർ തലയടിച്ച് നിലത്ത് വീഴുന്നു. അതോടുകൂടി പ്രേംകുമാർ ഒരു വർഷം ത...
ഒരു അഭിപ്രായം പോസ്റ്റ് ചെയ്യൂ
കൂടുതൽ‍ വായിക്കൂ

Ayla: The Daughter of War

Ayla: The Daughter of War » ᴀ ʀᴇᴛᴀʟɪᴀᴛᴇ ■ ഞാനെന്റെ എല്ലാ സിനിമാ നിരൂപണങ്ങളുടെയും അവസാനമാണ് അതിന്റെ മലയാളം പരിഭാഷകന്റെ പേര് ഓർമിക്കാറ്. പക്ഷേ, ഇപ്രാവശ്യം പരിഭാഷകൻ ആദ്യമേ തന്നെ ഓർമിക്കപ്പെടണം എന്ന് തോന്നി. ഏറെക്കുറെ ഇംഗ്ലീഷും മലയാളവും  അറിയാവുന്ന അൽപ്പസ്വൽപ്പം ക്ഷമയും കഴിവുമുള്ള ഏതൊരാൾക്കും ഒരു വിദേശഭാഷാ സിനിമയുടെ മലയാളം പരിഭാഷകനാകാം എന്നുള്ളത് ഒരു പരിഭാഷകൻ എന്ന നിലയ്ക്ക് എനിക്ക് അറിയാവുന്ന കാര്യമാണ്. പക്ഷേ, ഒരു സിനിമയിലെ പാട്ടിനോ കവിതയ്‌ക്കോ അതിന്റെ കാവ്യാത്മകതയും ഒഴുക്കും ഒട്ടും ചോർന്നു പോകാതെ പരിഭാഷയൊരുക്കുക എന്ന് പറഞ്ഞാൽ അതൊരു അത്ഭുതം തന്നെയാണ്, ആ പരിഭാഷകൻ ശരിക്കുമൊരു കലാകാരൻ കൂടിയാണ്. അങ്ങനെ എന്നെ അത്ഭുതപ്പെടുത്തിയ പരിഭാഷകനാണ് ഐലായുടെ പരിഭാഷകൻ മുഹമ്മദ് ആസിഫ്. അതിന്റെ പശ്ചാത്തലത്തിൽ വരുന്ന ടർക്കിഷ് കവിതയ്ക്ക് എത്ര മനോഹരമായിട്ടാണ് ആസിഫ് പരിഭാഷ ഒരുക്കിയിരിക്കുന്നത്. ഐലാ എന്ന ടർക്കിഷ് ഫീൽ ഗുഡ് മൂവി കണ്ടിരിക്കേണ്ട ടർക്കിഷ് മൂവികളിൽ ആദ്യ സ്ഥാനത്ത് വരുന്ന ഒന്ന് തന്നെയാണ്. കാരണം, ഐലായിൽ ഇതൾ വിരിയുന്ന കണ്ണുനനയിക്കുന്ന ആത്മബദ്ധത്തിന്റെ കഥ യഥാർത്ഥത്തിൽ സംഭവിച്ചത് തന്നെയാണ്. കൊറിയൻ യുദ്ധത്...
ഒരു അഭിപ്രായം പോസ്റ്റ് ചെയ്യൂ
കൂടുതൽ‍ വായിക്കൂ

And The Oscar To Joaquin Phoenix

പ്രിയപ്പെട്ട വാക്കിൻ ഫീനിക്സ്.. നീയൊരു നിധി പോലെ കൈയ്യിലേന്തിയിരിക്കുന്ന സ്വർണ്ണ നിറത്തിലുള്ള ആ  ഓസ്‌ക്കാർ പ്രതിമ അർഹതയ്ക്കുള്ള അംഗീകാരം തന്നെയാണ്. ലിയനാർഡോ ഡി കാപ്രിയോയെപ്പോലെ ഒരുപാട് വട്ടം നിന്റെ കൈയെത്തുന്ന അകലത്തിലുണ്ടായിട്ടും എത്തിപ്പിടിക്കാൻ കഴിയാതെ നിരാശയോടെ വിതുമ്പിക്കരഞ്ഞു തിരിച്ചു നടക്കേണ്ടി വന്ന നിന്റെ ദൗർഭാഗ്യത്തെയോർത്ത് ലോകസിനിമാസ്വാദകർ ശരിക്കും സങ്കടപ്പെട്ടിട്ടുണ്ട്. ഇത് നാലാം തവണയാണ് "And The Oscar Goes To Joaquin Phoenix" എന്ന് കേൾക്കാൻ നീ കാതോർത്തിരുന്നത് എന്ന് ഞങ്ങൾക്കറിയാം. കഴിഞ്ഞ മൂന്ന് തവണയും ഇപ്പോഴത്തേതിനേക്കാൾ മികച്ച പ്രകടനം നടത്തിയിട്ടും കൈവിട്ടു പോയ ഓസ്കാർ ഇന്നിപ്പോൾ നിന്റെ കൈകളിരിക്കുമ്പോൾ; ആ ഓസ്കാർ പ്രതിമ പോലും അഭിമാനം കൊള്ളുന്നുണ്ടാവണം. 2013ൽ ദി മാസ്റ്ററിൽ ഫ്രഡി ക്യുവൽ എന്ന കഥാപാത്രത്തെ  അത്യുജ്ജ്വലമാക്കിയതിന് മികച്ച നടനുള്ള ഓസ്കാർ തനിക്ക് തന്നെ എന്നുറപ്പിച്ചു കാതോർത്തിരുന്നപ്പോൾ And The Oscar Goes To Daniel Day-Lewis എന്ന് കേട്ട്  സങ്കടത്തോടെ കണ്ണുനിറച്ചതും ലോകസിനിമാപ്രേമികൾ ഇന്നുമോർക്കുന്നു. അതിന് മുൻപ് 2006ൽ Walk The Lineലെ ജോണി ക്യ...
ഒരു അഭിപ്രായം പോസ്റ്റ് ചെയ്യൂ
കൂടുതൽ‍ വായിക്കൂ