The Good, The Bad & The Ugly » ᴀ ʀᴇᴛᴀʟɪᴀᴛᴇ
■ ക്ലിന്റ് ഈസ്റ്റ്വുഡ് എന്ന പേര് മാത്രം മതി ഈ ഹിസ്റ്റോറിക്/ത്രില്ലർ ചിത്രത്തിൻറെ മഹിമയറിയാൻ. സെർജിയോ ലിയോണിയാണ് ദി ഗുഡ്, ദി ബാഡ് & ദി അഗ്ലിയുടെ സംവിധാനം നിർവ്വഹിച്ചിരിക്കുന്നത്. എയ്ജ് & സ്കാർപെല്ലി, ലൂസിയാനോ വിൻസെൻസോണി, സംവിധായകൻ സെർജിയോ ലിയോണി എന്നിവർ ചേർന്നാണ് തിരക്കഥ രചിച്ചിരിക്കുന്നത്. ഇന്നും മനസ്സിൽ മായാതെ കിടക്കുന്ന സംഭാഷണങ്ങളൊരുക്കിയിരിക്കുന്നത് സെർജിയോ ഡൊണാറ്റിയാണ്.
✍sʏɴᴏᴘsɪs
■ 1800കളുടെ മധ്യത്തിലെ അമേരിക്കൻ ആഭ്യന്തര യുദ്ധങ്ങളാണ് കഥാപശ്ചാത്തലം. കോൺഫെഡറേറ്റ് സ്റ്റേറ്റിന്റെ മുൻസൈനികോദ്യോഗസ്ഥനായ സ്റ്റീവൻസിനെ കൊല്ലാൻ ബേക്കറയച്ച വാടക കൊലയാളിയായിരുന്നു എയ്ഞ്ചൽ ഐയ്സ്. അയാളെ ചോദ്യം ചെയ്യുന്നതിനിടക്കാണ് കോൺഫെഡറേറ്റ് സ്റ്റേറ്റിന്റെ കോടിക്കണക്കിന് ഡോളർ വിലമതിക്കുന്ന സ്വർണ്ണ നിധി അപഹരിച്ച് കടന്നുകളഞ്ഞ ബിൽ കാഴ്സനെക്കുറിച്ച് എയ്ഞ്ചൽ ഐയ്സ് അറിയുന്നത്. തന്നെ കൊല്ലാനയച്ച ബേക്കറി കൊന്നാൽ ആയിരം ഡോളർ തരാമെന്ന് സ്റ്റീവൻസ് എയ്ഞ്ചൽ ഐയ്സിനോട് പറയുന്നു. കരാർ ഏറ്റെടുക്കുന്ന എയ്ഞ്ചൽ ഐയ്സ് പക്ഷേ ബേക്കറിൽപ്പിച്ച ദൗത്യം ഉപേക്ഷിക്കാൻ തയ്യാറല്ലായിരുന്നു. സ്റ്റീവൻസിനെ കൊള്ളുന്ന എയ്ഞ്ചൽ ഐയ്സ് സ്റ്റീവൻസിന് കൊടുത്ത വാക്ക് പാലിക്കാൻ വേണ്ടി ബേക്കറെയും കൊല്ലുന്നു. എയ്ഞ്ചൽ ഐയ്സിനെ നമുക്കീ സിനിമയിലെ "ദി ബാഡ്" എന്ന് വിളിക്കാം. കോൺഫെഡറേറ്റ് സ്റ്റേറ്റ് 2000 ഡോളർ തലയ്ക്ക് വിലയിട്ട മെക്സിക്കൻ കൊള്ളക്കാരനായിരുന്നു ടൂക്കോ റാമിറെസ്. പ്രസ്തുത പാരിതോഷികത്തിനായി ടൂകോയെ കൊല്ലാൻ ശ്രമിക്കുന്ന മൂന്ന് പേരിൽ നിന്നും "ബ്ലോണ്ടി" എന്ന പേരിൽ അറിയപ്പെടുന്ന നായകൻ രക്ഷിക്കുന്നു. ടൂകോയെ നമുക്കീ സിനിമയിലെ "ദി അഗ്ലി" എന്നും ബ്ലോണ്ടിയെ "ദി ഗുഡ് എന്നും വിളിക്കാം. പിന്നീട് പല പ്രവിശ്യകളിൽ നിന്നും പണം കൈപ്പറ്റി ടൂകോയെ പിടിച്ചു കൊടുക്കുന്ന ബ്ലോണ്ടി തൂക്കുകയറിന് വെടിവെച്ച് ടൂകോയെ രക്ഷപ്പെടുത്തി തട്ടിപ്പ് നടത്തുന്നു. തനിക്ക് കിട്ടുന്ന വിഹിതം പോരാ എന്ന് പറഞ്ഞു പ്രശ്നമുണ്ടാക്കുന്ന ടൂകോയെ ബ്ലോണ്ടി വെള്ളംപോലും ലഭിക്കാത്ത ഒരു മരുഭൂമിയിൽ കൊണ്ടുപോയി ഉപേക്ഷിക്കുന്നു. പക്ഷേ മരുഭൂമിയിൽ നിന്നും എങ്ങനെയോ രക്ഷപ്പെട്ട ടൗണിലെത്തുന്ന ടൂക്കോ പ്രതികാര ദാഹത്തോടെ ബ്ലോണ്ടിയെ കണ്ടെത്തി ആ മരുഭൂമിയിലെ അതേ പ്രദേശത്ത് ഉപേക്ഷിക്കാൻ കൊണ്ടുവരുന്നു. പക്ഷേ അവിടെ വെച്ചാണ് ഒരു കുതിരവണ്ടിയിൽ മൃതപ്രായനായി കിടക്കുന്ന ബിൽ കാഴ്സണെ അവർ കാണുന്നത്. സ്വർണ്ണ നിധിയെക്കുറിച്ച വെളിപ്പെടുത്തുന്ന ബിൽ കാഴ്സൺ, സാഡ് ഹിൽ സെമിത്തേരിയിലെ ഒരു കുഴിമാടത്തിൽ അത് കുഴിച്ചിട്ടിട്ടുണ്ടെന്ന് ടൂക്കോയോട് പറയുന്നു. തന്നെ രക്ഷിച്ചാൽ അത് ടൂകോയ്ക്ക് നൽകാമെന്നുറപ്പ് നൽകുന്ന ബിൽ കാഴ്സണെ രക്ഷിക്കാൻ വെള്ളത്തിനായി പോവുന്ന ടൂക്കോ മടങ്ങി വരുമ്പോൾ കാണുന്നത് മരിച്ചു കിടക്കുന്ന കാഴ്സനെന്നും അതിനടുത്ത് കിടക്കുന്ന ബ്ലോണ്ടിയെയുമാണ്. ബ്ലോണ്ടിയോട് കാഴ്സൺ കുഴിമാടത്തിൽ പേര് വെളിപ്പെടുത്തിയിട്ടുണ്ടെന്ന് മനസ്സിലാക്കുന്ന ടൂക്കോ ബ്ലോണ്ടിയുടെ ജീവൻ രക്ഷിക്കാൻ നിർബന്ധിതനാവുന്നു. സെമിത്തേരിയുടെ പേരറിയുന്ന ടൂകോയും കുഴിമാടത്തിന്റെ പേരറിയുന്ന ബ്ലോണ്ടിയും നിധി സ്വന്തമാക്കാനായി ഒന്നിക്കുന്നു.
"Blondie : One, two, three, four, five and six. Six, the perfect number.
Angel Eyes : I thought three was the perfect number.
Blondie : I've got six more bullets in my gun."
👥ᴄᴀsᴛ & ᴘᴇʀfᴏʀᴍᴀɴᴄᴇs
■ ക്ലിന്റ് ഈസ്റ്റ്വുഡാണ് "ബ്ലോണ്ടി, ദി ഗുഡ്" എന്ന പേരില്ലാത്ത നായക കഥാപാത്രത്തെ അവതരിപ്പിച്ചിരിക്കുന്നത്. ക്ലിന്റിന്റെ സൂപ്പർസ്റ്റാർ പദവിയിലേക്കുള്ള കാൽവെയ്പ്പായിരുന്നു ദി ഗുഡ്, ദി ബാഡ് & ദി അഗ്ലിയിലെ നായക കഥാപാത്രം. ലീ വാൻ ക്ലീഫാണ് ചിത്രത്തിലെ വില്ലൻ സ്വഭാവമുള്ള വാടക കൊലയാളി "എയ്ഞ്ചൽ ഐയ്സ്, ദി ബാഡ്"നെ അവതരിപ്പിച്ചിരിക്കുന്നത്. എലി വലാച്ചാണ് മെക്സിക്കൻ കൊള്ളക്കാരൻ "ടൂക്കോ റാമിറെസ്, ദി അഗ്ലി"യുടെ വേഷം കൈകാര്യം ചെയ്തിരിക്കുന്നത്. അന്റോണിയോ കസാസ് (സ്റ്റീവൻസ്), അന്റോണിയോ കസെയ്ൽ (ബിൽ കാഴ്സൺ), കെലോ അലോൺസോ (സ്റ്റീവൻസിന്റെ ഭാര്യ), എൻസോ പെറ്റിറ്റോ (തോക്ക് കടക്കാരൻ), അന്റോണിയോ മൊലീനോ റോജോ (ക്യാപ്റ്റൻ ഹാർപ്പർ), ആൽഡോ ഗുഫ്രി (ക്യാപ്റ്റൻ ക്ലിന്റൺ), മരിയോ ബ്രെഗ (കോർപ്പറൽ വാലസ്) തുടങ്ങിയവരാണ് മറ്റു പ്രധാന താരങ്ങൾ..
📽✄ᴛᴇᴄʜɴɪᴄᴀʟ sɪᴅᴇs
■ ടോണിനോ ഡെല്ലി കൊലിയാണ് ചിത്രത്തിൻറെ ഛായാഗ്രാഹകൻ. അസാധാരണമായ വൈഡ് ആംഗിൾ ഷോട്ടുകളും ക്ലോസപ്പ് ഷോട്ടുകളും പ്രശസ്തമായിരുന്നു. ക്ലിന്റിന്റെ സ്റ്റൈലൻ ഗൺ ഷോട്ടുകളും സുന്ദരമായി ക്യാമറയിലാക്കാൻ ടോണിനോക്ക് കഴിഞ്ഞു. ലോകസിനിമയിലെ ഛായാഗ്രാഹകരുടെ മാതൃകാപുരുഷൻ.
■ യൂജിൻയോ അലാബിസോയും നിനോ ബറാഗ്ലിയും ചേർന്നാണ് ചിത്രസംയോജനം നിർവ്വഹിച്ചിരിക്കുന്നത്.
🎵🎧ᴍᴜsɪᴄ & ʙᴀᴄᴋɢʀᴏᴜɴᴅ sᴄᴏʀᴇs
■ എന്യോ മോറിക്കോണിയാണ് ചിത്രത്തിലെ പശ്ചാത്തല സംഗീതം മനോഹമാക്കിയിരിക്കുന്നത്. ലോക ചരിത്രത്തിൽ തന്നെ ഇത്രയേറെ തവണ അനുകരിക്കപ്പെട്ടിട്ടുള്ളൊരു പാശ്ചാത്തല സംഗീതമുണ്ടോ എന്നുള്ളത് തന്നെ സംശയം. ക്ലിന്റിന്റെ ഇൻട്രോയിലുള്ള ബിജിഎം ഇപ്പോഴും കാതിൽ അലയടിക്കുന്നു.
📎 ʙᴀᴄᴋwᴀsʜ
■ നിങ്ങളൊരു സിനിമാപ്രേമിയാണെങ്കിൽ നിങ്ങളുടെ ജീവിതകാലത്ത് തീർച്ചയായും കണ്ടിരിക്കേണ്ട പത്ത് സിനിമകളിൽ ഒന്നാണ് ദി ഗുഡ്, ദി ബാഡ് & ദി അഗ്ലി. ലോകത്തെ ഏറ്റവും മികച്ച ചലച്ചിത്രങ്ങളിൽ ഒന്നായ ഈ ചിത്രത്തിന് എന്തുകൊണ്ട് ഒരൊറ്റ ഓസ്കാർ അവാർഡും കിട്ടിയില്ല എന്നത് ഇന്നും ഉത്തരം കിട്ടാത്ത ഒരു ചോദ്യമാണ്.
Riγαs Ρυliκκαl
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ