ഇതൊഴിവാക്കി പ്രധാന ഉള്ളടക്കത്തിലേക്ക് പോവുക

The Man From Nowhere


The Man From Nowhere » ᴀ ʀᴇᴛᴀʟɪᴀᴛᴇ

■ ആക്ഷൻ ത്രില്ലറുകൾ പലപ്പോഴും സംഘട്ടനരംഗങ്ങൾക്ക് മാത്രം പ്രാമുഖ്യം നൽകി കടന്നുപോകുന്നവയാണ്. പക്ഷേ, ദി മാൻ ഫ്രം നോവേറിൽ ജീവിതമുണ്ട്, പ്രണയമുണ്ട്, കാരുണ്യമുണ്ട്, കണ്ണഞ്ചിപ്പിക്കുന്ന സംഘട്ടനരംഗങ്ങളുമുണ്ട്. ലിയോൺ ദി പ്രൊഫെഷനലിലെ ലിയോണിനെയും ജോൺ വിക്കിനെയും ഒരുപോലെ ചാ തേ-സികിൽ നമുക്ക് ദർശിക്കാൻ സാധിക്കും. സോ-മി എന്ന കൊച്ചുപെൺകുട്ടി പ്രേക്ഷകരെ വിസ്മയിപ്പിക്കും എന്നത് തീർച്ചയാണ്. ഇമോഷണൽ ത്രില്ലർ എന്ന് അക്ഷരത്തെറ്റുകൂടാതെ വിളിക്കാൻ പറ്റുന്ന ഒന്നാണ് ഈ മനോഹര ചിത്രം..


■ ലീ ജ്യോങ്-ബോം തിരക്കഥയെഴുതി സംവിധാനം നിർവഹിച്ച ആക്ഷൻ ത്രില്ലർ കൊറിയൻ ചിത്രമാണ് ദി മാൻ ഫ്രം നോവേർ. ലീ തേ-യൂൻ ഛായാഗ്രഹണവും കിം സാങ്-ബും എഡിറ്റിങ്ങും നിർവഹിച്ചിരിക്കുന്നു. ഷിം ഹ്യുൻ-ജുങ്ങാണ് പശ്ചാത്തല സംഗീതമൊരുക്കിയിരിക്കുന്നത്..


✍sʏɴᴏᴘsɪs             

■ ഒരു ചെറിയ പണയസ്ഥാപനം നടത്തുകയായിരുന്ന നായകൻ ചാ തേ-സിക്ക്, അവിടെ തന്നെയാണ് അയാളുടെ താമസവും.  അയാളുടെ ഭൂതകാലം എന്തെന്നോ ഐഡന്റിറ്റിയെന്തെന്നോ വെളിപ്പെടാത്ത ആദ്യപകുതി. ചുറ്റുപാടിനോട് ചെവി കൊടുക്കാത്ത നിശബ്ദജീവിതം. പക്ഷേ, അയൽ ഫ്ലാറ്റിൽ നിന്നുള്ള സോ-മി എന്ന കൊച്ചു പെൺകുട്ടിയോട് മാത്രം അയാൾ സൗഹൃദത്തിലാവുന്നു. ഒരു ബാർ ഡാൻസറായിരുന്ന അവളുടെ അമ്മ, ഹ്യോ ജ്യോങ് മയക്കുമരുന്നിന് അടിമയായിരുന്നു. ഒരിക്കൽ ഒരു ബാറിൽ വെച്ച് ഒരു മയക്കുമരുന്ന് മാഫിയ അംഗത്തിൽ നിന്നും ഹ്യോ ജ്യോങ് കുറച്ച് മയക്കുമരുന്നുകൾ മോഷ്ടിക്കുന്നു. അവൾ പണയത്തിനായി തേ-സിക്കിന് നൽകിയ ക്യാമറാബാഗിൽ മയക്കുമരുന്ന് പൊതി ഉൾപ്പെട്ടത് അവളറിയുന്നില്ല. മയക്കുമരുന്ന് മാഫിയ അവരുടെ ഡ്രഗ് തിരിച്ചു കിട്ടാനായി അവളെ തട്ടിക്കൊണ്ടുപോകുന്നു. സോ-മിക്ക് വേണ്ടി തേ-സിക്കിന് അവരുമായി ഏറ്റുമുട്ടേണ്ടി വരുന്നു..


👥ᴄᴀsᴛ & ᴘᴇʀfᴏʀᴍᴀɴᴄᴇs     

■ വെറും സംഘട്ടനത്തിന് മാത്രം പ്രാധാന്യം നൽകിയുള്ളതല്ല ഈ ചിത്രം എന്ന് ആദ്യമേ പറഞ്ഞതാണ്. ചാ തേ-സിക്കായി വേഷമിട്ട വോൻ ബിൻ അസാമാന്യ പ്രകടനമായിരുന്നു കാഴ്ചവെച്ചത്. പക്ഷേ, അക്ഷരാർത്ഥത്തിൽ പ്രേക്ഷകരെ ഞെട്ടിച്ചത് സോ-മിയായി അഭിനയിച്ച കിം സെ-രോനാണ്. അവളാണ് ഈ സിനിമയുടെ നട്ടെല്ല് എന്ന് തന്നെ പറയാം. കിം ഹീ-വോൻ (മാൻ-സ്യോക്), കിം സുങ്-ഓഹ് (ജോങ്-സ്യോക്), കിം തേ-ഹ്യൂൻ (ഡിറ്റക്റ്റീവ് കിം ചി-ഗോൻ), തനയോങ് വോങ്ട്രാകുൻ (ലും രംറോവൻ), കിം ഹ്യോ-സ്യോ (ഹ്യോ-ജ്യോങ്, സോ-മിയുടെ അമ്മ), ലീ ജോങ്-യി (ഡിറ്റക്റ്റീവ് നോ) തുടങ്ങിയവരാണ് മറ്റുപ്രധാന അഭിനേതാക്കൾ..


📎 ʙᴀᴄᴋwᴀsʜ

■ മികച്ച സാങ്കേതികവിദ്യ, ജനപ്രിയ ചിത്രം, ജനപ്രിയ നടൻ (വോൻ ബിൻ) എന്നീ വിഭാഗങ്ങളിലായുള്ള ബ്ലൂഡ്രാഗൺ പുരസ്കാരങ്ങൾ നേടി. മികച്ച നടൻ (വോൻ ബിൻ), മികച്ച വിഷ്വൽ എഫെക്ട്സ് (ജുങ് ദോ-ആൻ), മികച്ച എഡിറ്റിംഗ് (കിം ജേ-ബിയോങ്) എന്നീ വിഭാഗങ്ങളിലായുള്ള ഗ്രാൻഡ്‌ബെൽ പുരസ്കാരവും ഈ ചിത്രത്തിനായിരുന്നു. 2012ൽ ഡൈമെൻഷൻ ഫിലിംസ് ദി മാൻ ഫ്രം നോവേറിന്റെ ഇംഗ്ലീഷ് റീമേക്കിനുള്ള അവകാശം സ്വന്തമാക്കിയിരുന്നു. ജോൺ അബ്രഹാം, ബേബി ദിയ ചൽവാദ്, ശ്രുതി ഹാസൻ എന്നിവരെ കേന്ദ്രകഥാപാത്രങ്ങളാക്കി നിഷികാന്ത് കാമത്ത് 2016ൽ "റോക്കി ഹാൻസം" എന്ന പേരിൽ ബോളിവുഡിലേക്ക് റീമേക്ക് ചെയ്തിരുന്നു..



7.8/10 . IMDb
100% . Rotten Tomatoes


                     
Riγαs Ρυliκκαl

അഭിപ്രായങ്ങള്‍

ഒരു അഭിപ്രായം പോസ്റ്റ് ചെയ്യൂ

ഈ ബ്ലോഗിൽ നിന്നുള്ള ജനപ്രിയ പോസ്റ്റുകള്‍‌

Ayla: The Daughter of War

Ayla: The Daughter of War » ᴀ ʀᴇᴛᴀʟɪᴀᴛᴇ ■ ഞാനെന്റെ എല്ലാ സിനിമാ നിരൂപണങ്ങളുടെയും അവസാനമാണ് അതിന്റെ മലയാളം പരിഭാഷകന്റെ പേര് ഓർമിക്കാറ്. പക്ഷേ, ഇപ്രാവശ്യം പരിഭാഷകൻ ആദ്യമേ തന്നെ ഓർമിക്കപ്പെടണം എന്ന് തോന്നി. ഏറെക്കുറെ ഇംഗ്ലീഷും മലയാളവും  അറിയാവുന്ന അൽപ്പസ്വൽപ്പം ക്ഷമയും കഴിവുമുള്ള ഏതൊരാൾക്കും ഒരു വിദേശഭാഷാ സിനിമയുടെ മലയാളം പരിഭാഷകനാകാം എന്നുള്ളത് ഒരു പരിഭാഷകൻ എന്ന നിലയ്ക്ക് എനിക്ക് അറിയാവുന്ന കാര്യമാണ്. പക്ഷേ, ഒരു സിനിമയിലെ പാട്ടിനോ കവിതയ്‌ക്കോ അതിന്റെ കാവ്യാത്മകതയും ഒഴുക്കും ഒട്ടും ചോർന്നു പോകാതെ പരിഭാഷയൊരുക്കുക എന്ന് പറഞ്ഞാൽ അതൊരു അത്ഭുതം തന്നെയാണ്, ആ പരിഭാഷകൻ ശരിക്കുമൊരു കലാകാരൻ കൂടിയാണ്. അങ്ങനെ എന്നെ അത്ഭുതപ്പെടുത്തിയ പരിഭാഷകനാണ് ഐലായുടെ പരിഭാഷകൻ മുഹമ്മദ് ആസിഫ്. അതിന്റെ പശ്ചാത്തലത്തിൽ വരുന്ന ടർക്കിഷ് കവിതയ്ക്ക് എത്ര മനോഹരമായിട്ടാണ് ആസിഫ് പരിഭാഷ ഒരുക്കിയിരിക്കുന്നത്. ഐലാ എന്ന ടർക്കിഷ് ഫീൽ ഗുഡ് മൂവി കണ്ടിരിക്കേണ്ട ടർക്കിഷ് മൂവികളിൽ ആദ്യ സ്ഥാനത്ത് വരുന്ന ഒന്ന് തന്നെയാണ്. കാരണം, ഐലായിൽ ഇതൾ വിരിയുന്ന കണ്ണുനനയിക്കുന്ന ആത്മബദ്ധത്തിന്റെ കഥ യഥാർത്ഥത്തിൽ സംഭവിച്ചത് തന്നെയാണ്. കൊറിയൻ യുദ്ധത്...
ഒരു അഭിപ്രായം പോസ്റ്റ് ചെയ്യൂ
കൂടുതൽ‍ വായിക്കൂ

Naduvula Konjam Pakkatha Kaanom

Naduvula Konjam Pakkatha Kaanom » ᴀ ʀᴇᴛᴀʟɪᴀᴛᴇ ■ വിജയ് സേതുപതിയെ നായകനാക്കി ബാലാജി തരണീധരൻ സംവിധാനം ചെയ്ത കോമഡി എന്റർടൈനർ തമിഴ് ചിത്രമാണ് നടുവുള കൊഞ്ചം പാക്കാത കാണോം. സംവിധായകനായുള്ള ബാലാജിയുടെ അരങ്ങേറ്റ ചിത്രമായ ഇതിന്റെ തിരക്കഥ രചിച്ചിട്ടുള്ളതും അദ്ദേഹം തന്നെയാണ്. തന്റെ അടുത്ത സുഹൃത്ത് പ്രേംകുമാറിന്റെയും തന്റെയും മറ്റു രണ്ടുസുഹൃത്തുക്കളുടെയും അനുഭവകഥ തന്നെയാണ് ബാലാജി ഫ്രെയിമിലാക്കിയിരിക്കുന്നത്. ✍sʏɴᴏᴘsɪs                ■ പ്രേംകുമാർ എന്ന യുവാവ് താൻ ഒരു വർഷമായി പ്രണയിച്ചു കൊണ്ടിരിക്കുന്ന തന്റെ പ്രണയിനി ധനലക്ഷ്മിയുമായുള്ള വിവാഹത്തിനുള്ള എല്ലാ ഒരുക്കങ്ങളും  പൂർത്തിയാക്കി സുഹൃത്തുക്കളോടൊപ്പം സമയം ചെലവഴിച്ചു കൊണ്ടിരിക്കുന്നതിനിടയിൽ ജോലിയിലേയും വിവാഹത്തിന്റെയും സമ്മർദ്ദം കുറയ്ക്കുന്നതിന് വേണ്ടി കുറച്ചു നേരം ക്രിക്കറ്റ് കളിക്കാം എന്ന് തീരുമാനിക്കുന്നു. വിവാഹത്തിന്റെ രണ്ടു ദിവസം മുൻപ് നടക്കുന്ന ഈ കളി ആവേശകരമായി മുന്നേറുന്നതിനിടയിൽ ഒരു ക്യാച്ച് ചെയ്യുന്നതിന് ശ്രമിക്കുന്ന പ്രേംകുമാർ തലയടിച്ച് നിലത്ത് വീഴുന്നു. അതോടുകൂടി പ്രേംകുമാർ ഒരു വർഷം ത...
ഒരു അഭിപ്രായം പോസ്റ്റ് ചെയ്യൂ
കൂടുതൽ‍ വായിക്കൂ

Perfume: The Story Of A Murderer

Perfume: The Story Of A Murderer » ᴀ ʀᴇᴛᴀʟɪᴀᴛᴇ ■ ബെൻ വിഷോവിനെ കേന്ദ്രകഥാപാത്രമാക്കി ടോം ടൈക്വർ സംവിധാനം നിർവ്വഹിച്ച സൈക്കോളജിക്കൽ ക്രൈം ത്രില്ലർ ഫാന്റസി ഹോളിവുഡ് ചിത്രമാണ് പെർഫ്യൂം: ദി സ്റ്റോറി ഓഫ് ഏ മർഡറർ. ജർമൻ നോവലിസ്റ്റ് പാട്രിക് സുസ്‌കിന്ദിന്റെ ഇതേപേരിലുള്ള നോവലിനെ അടിസ്ഥാനമാക്കി ആൻഡ്രൂ ബിർക്കിൻ, ബേൺഡ് എയ്‌ശിങ്കർ, ടോം ടൈക്വർ എന്നിവരാണ് തിരക്കഥ എഴുതിയിരിക്കുന്നത്. ഫ്രാങ്ക് ഗ്രീബേ ഛായാഗ്രഹണവും അലക്സാണ്ടർ ബെർണർ എഡിറ്റിങ്ങും നിർവ്വഹിച്ചിരിക്കുന്നു. റെയ്നോൾഡ് ഹെയ്ൽ, ജോണി ക്ലൈമെക്, ടോം ടൈക്വർ എന്നിവർ ചേർന്നാണ് സംഗീതം നൽകിയിരിക്കുന്നത്. ✍sʏɴᴏᴘsɪs              ■ ജീൻ ബാപ്റ്റിസ്റ്റ് ഗ്രെനോവിൽ, അവൻ ജനിച്ചു വീണത് പാരീസിലെ ആ മീൻചന്തയിലെ മാലിന്യത്തിലേക്കാണ്. അവന്റെ അമ്മയുടെ അഞ്ചാമത്തെ കുട്ടി. ചോരപ്പൈതലിനെ കൊല്ലാനാണ് ആ സ്ത്രീ ശ്രമിച്ചത് എന്നാരോപിച്ച് അധികാരികൾ അവന്റെ അമ്മയെ തൂക്കിലേറ്റി. അങ്ങനെ ജനിച്ചപാടേ അവനൊരു അനാഥനായി. അനാഥാലയ നടത്തിപ്പുകാരി മാഡം ഗൈലാർഡ് ആ പിഞ്ചുകുഞ്ഞിനെ എടുത്തു വളർത്തി. നമുക്ക് അരോചകമായി തോന്നുന്ന സിനിമയിലെ രണ്ടുകാര്യങ്ങളാണ്, മാലിന...
ഒരു അഭിപ്രായം പോസ്റ്റ് ചെയ്യൂ
കൂടുതൽ‍ വായിക്കൂ