എന്റെ ബ്ലോഗ്‌.. എന്റെ നിരൂപണങ്ങൾ.. എന്റെ കാഴ്ച്ചപ്പാടുകൾ..

Once Upon A Time In The West » ᴀ ʀᴇᴛᴀʟɪᴀᴛᴇ ■ ചാൾസ് ബ്രോൺസണെയും ജേസൺ റോബാർഡ്‌സിനെയും ക്ലോഡിയ കർഡിനാലെയെയും കേന്ദ്രകഥാപാത്രങ്ങളാക്കി സ്പാഗെറ്റി വെസ്റ്റേൺ ജോണറിൽ സെർജിയോ ലിയോണി അണിയിച്ചൊരുക്കിയ ചിത്രം. സെർജിയോ ലിയോണിയും സെർജിയോ ഡൊണാറ്റിയും ചേർന്നാണ് തിരക്കഥ രചിച്ചിരിക്കുന്നത്. ലിയോണിയുടെ "വൺസ് അപ്പോൺ എ ടൈം" ട്രയോളജിയിലെ ആദ്യ ചിത്രമാണിത് (Duck You Sucker, Once Upon A Time In America എന്നിവയാണ് തുടർന്ന് വരുന്നവ). പതിവുപോലെ ടോണിനോ ഡെല്ലികൊല്ലി ഛായാഗ്രഹണവും നിനോ ബറാഗ്ലി ചിത്രസംയോജനവും നിർവ്വഹിച്ചിരിക്കുന്നു. എന്യോ മോറിക്കോണി തന്നെയാണ് പശ്ചാത്തല സംഗീതം നൽകിയിരിക്കുന്നത്. ✍sʏɴᴏᴘsɪs                ■ ഒരു മൗത്ത് ഓർഗനും വായിച്ചു കൊണ്ട് നായകൻറെ കിടിലൻ ഇൻട്രോ. തന്നെ കൊല്ലാൻ വരുന്ന മൂന്ന് വില്ലന്മാരെ അടപടലം വെടിയുതിർത്ത്  നിമിഷനേരങ്ങൾക്കൊണ്ട് പരലോകത്തേക്കുവിട്ടുകൊണ്ടുള്ള മരണമാസ്സ്‌ പ്രകടനം. ഡോളർ ട്രയോളജിയിൽ ക്ലിന്റ് ചെയ്ത "ദി മാൻ വിത്ത് നോ നെയിം" പോലെ ഈ സിനിമയിലും നായകന് പേരില്ല. അടുത്ത സീൻ ഒരച്ഛനും അയാളുടെ മൂന്ന് മക്കളെയും നിഷ്കരുണം കൊന്നു തള്ളിക...

Philadelphia » ᴀ ʀᴇᴛᴀʟɪᴀᴛᴇ ■ ടോം ഹാങ്ക്സിനെയും ഡെൻസെൽ വാഷിംഗ്ട്ടനെയും കേന്ദ്രകഥാപാത്രങ്ങളാക്കി ജോനാഥൻ ഡെമ്മേ സംവിധാനം നിർവഹിച്ചിരിക്കുന്ന ഡ്രാമ ഫിലിമാണ് ഫിലാഡൽഫിയ. ഒരു എയ്ഡ്‌സ് രോഗിയുടെ ജീവിതം പ്രമേയമാക്കി റോൺ നൈസ്വാനറാണ് തിരക്കഥ രചിച്ചിരിക്കുന്നത്. കഴിഞ്ഞ വർഷം അവസാനമായിരുന്നു ഒരു എയ്ഡ്‌സ് രോഗിയായ യുവതിയുടെ ജീവിതം പ്രമേയമാക്കി അരുവി എന്ന തമിഴ് സിനിമ പുറത്തിറങ്ങിയത്. നിരൂപകരുടെ പ്രശംസ പിടിച്ചു പറ്റിയ അരുവി പക്ഷേ അബദ്ധത്തിൽ വന്നു ഭവിച്ച ഒരു HIV ഇൻഫെക്ഷനായിട്ടാണ് സിനിമയിൽ ചിത്രീകരിച്ചിരിക്കുന്നത്. എന്നാൽ ഈ സിനിമയിൽ അങ്ങനെ സ്ഥാപിക്കാൻ ഒരു തരത്തിലും ശ്രമിക്കുന്നില്ല എന്ന് മാത്രമല്ല, നായകൻ ഒരു സ്വവർഗാനുരാഗിയാണെന്നു തുറന്നു സമ്മതിക്കുന്നുമുണ്ട്. കൂടാതെ എയ്ഡ്‌സ് രോഗിയാണെന്ന് തിരിച്ചറിഞ്ഞു അരുവിയെ സ്വന്തം കുടുംബം അകറ്റിനിർത്തിയപ്പോൾ ഫിലാഡൽഫിയയിലെ ആൻഡ്രൂ ബെക്കറ്റിന്‌ സ്വന്തം കുടുംബത്തിന്റെ മികച്ച പിന്തുണയായിരുന്നു ലഭിച്ചത്. ഒരു പക്ഷേ എയ്ഡ്സിനെയും സ്വവർഗഗാനുരാഗത്തെയും പ്രമേയമാക്കിക്കൊണ്ടുള്ള ആദ്യ മുഖ്യധാരാ സിനിമയായിരിക്കും ഫിലാഡൽഫിയ. ടാക് ഫ്യൂജിമോട്ടോയാണ്‌ ഛായാഗ്രഹണം നിർവ്വഹിച്ചിരിക്കുന്നത...

Ullathai Allitha » ᴀ ʀᴇᴛᴀʟɪᴀᴛᴇ • 'നവരസ നായകൻ' കാർത്തിക്കിനെ നായകനാക്കി സുന്ദർ സി സംവിധാനം ചെയ്ത റൊമാന്റിക് കോമഡി ചിത്രമാണ് ഉള്ളത്തൈ അള്ളിത്താ. ■ ചിത്രത്തിൻറെ കഥയും തിരക്കഥയും എഴുതിയിരിക്കുന്നത് സുന്ദർ.സി തന്നെയാണ്. ആമിർ ഖാൻ നായകനായ ബോളിവുഡ് ചിത്രം അന്ദാസ് അപ്ന അപ്‍നയിൽ നിന്നാണ് ചിത്രത്തിൻറെ കഥാതന്തു കടം കൊണ്ടിട്ടുള്ളത്. ■ വീദേവദണ്ടി ബാബു എന്ന പേരിൽ തെലുങ്കിലേക്കും ഗലാട്ടെ അളിയൻട്രു എന്ന പേരിൽ കന്നഡയിലേക്കും റീമേക്ക് ചെയ്യപ്പെട്ടിട്ടുണ്ട്. ✍sʏɴᴏᴘsɪs                ■കൊടൈക്കനാലിലെ കോടീശ്വരനായ ബിസിനസുകാരന്റെ ഏക മകനായ രാജ തന്റെ അച്ഛന്റെ പട്ടാളച്ചിട്ടയിൽ നിന്നും അച്ഛൻ തനിക്കുവേണ്ടി കണ്ടുപിടിച്ച പെൺകുട്ടിയെ കല്ല്യാണം കഴിക്കുന്നതിൽ നിന്നും രക്ഷപ്പെടാനായി നാടുവിടുന്നു. ഊട്ടിയിലെത്തിയ രാജ ഒരു പെൺകുട്ടിയെ ഇഷ്ടപ്പെടുന്നു. അവളെ സ്വന്തമാക്കാനായി അവളുടെ അച്ഛന്റെ ഡ്രൈവറായി വേഷം കെട്ടുന്നു. 👥ᴄᴀsᴛ & ᴘᴇʀfᴏʀᴍᴀɴᴄᴇs        ■ കോമെഡിക്ക് മുൻ‌തൂക്കം നൽകിയിട്ടുള്ള കഥയിലെ നായകനായ രാജയെ കാർത്തിക് അനായാസമാക്കിയിരിക്കുന്നു. രാജയുടെ സ...

Lock, Stock & Two Smoking Barrels » ᴀ ʀᴇᴛᴀʟɪᴀᴛᴇ ■ ക്രൈം, കോമഡി ജോണറിൽപ്പെടുന്ന ഈ സിനിമ തിരക്കഥയെഴുതി സംവിധാനം ചെയ്തിരിക്കുന്നത് ഗയ്‌ റിച്ചിയാണ്. ടിം മോറിസ് ജോൺസാണ് ഛായാഗ്രഹണം നിർവ്വഹിച്ചിരിക്കുന്നത്. മഞ്ഞയും ബ്രൗണും ഗ്രേയും ചേർന്നുള്ള ഒരു പ്രത്യേക കളർടോണാണ് ഉപയോഗിച്ചിരിക്കുന്നത്. നിവൻ ഹോവെയാണ് ചിത്രസംയോജകൻ. ഡേവിഡ് എ.ഹ്യൂജസും ജോൺ മർഫിയും ചേർന്നാണ് ചിത്രത്തിന് സംഗീതം നൽകിയിരിക്കുന്നത്. അമേരിക്കൻ സംഗീതരാജ്ഞി മഡോണ ഇതിലെ സൗണ്ട് ട്രാക്കിൽ ആകൃഷ്ടയായി തന്റെ ആൽബത്തിൽ ഉൾപ്പെടുത്തിയിരുന്നു. ഇതിനായി അവർ ചിത്രത്തിൻറെ സംവിധായകൻ റിച്ചിയെയും നിർമ്മാതാവ് മാത്യു വോണിനെയും കോൺടാക്ട് ചെയ്തു. പിന്നീട് സംവിധായകൻ റിച്ചിയുമായി മഡോണ പ്രണയത്തിലായതും അവർ തമ്മിൽ വിവാഹിതരായതും ചരിത്രം. ✍sʏɴᴏᴘsɪs                ■ അല്ലറ ചില്ലറ മോഷണവും മോഷണ മുതൽ വ്യവഹാരവുമായി നടക്കുന്ന നാല് യുവാക്കൾ; എഡ്ഡി, ടോം, സോപ്പ്, ബേക്കൺ.  എഡ്ഡി നഗരത്തിലെ ഒരു ബാറുടമയുടെ മകൻ. ചൂതുകളിയിൽ അഗ്രഗണ്യനായിരുന്ന എഡ്ഡി നാലുപേരുടെയും ആകെ സമ്പാദ്യമായ ഒരു ലക്ഷം പൗണ്ടുമായി നഗരത്തിലെ അധോലോക നേതാവ് ഹാഷ...

Se7en » ᴀ ʀᴇᴛᴀʟɪᴀᴛᴇ ∆ ബ്രാഡ് പിറ്റിനെയും മോർഗൻ ഫ്രീമാനെയും കേന്ദ്രഥാപാത്രങ്ങളാക്കി ഡേവിഡ് ഫിഞ്ചർ സംവിധാനം ചെയ്ത ക്രൈം ത്രില്ലർ ചിത്രമാണ് സെവൻ. ആൻഡ്രൂ കെവിൻ വാക്കറാണ് ചിത്രത്തിന് തിരക്കഥയെഴുതിയിരിക്കുന്നത്. ■ ചിത്രത്തിലെ ഇരുണ്ട ഫ്രെയിമുകളുടെയും ക്രൂരരംഗങ്ങളുടെയും ചിത്രീകരണം നിരൂപകരുടെ പ്രശംസ പിടിച്ചുപറ്റി. ✍sʏɴᴏᴘsɪs              ■ ഡേവിഡ് മിൽസ് എന്ന യുവ ഡിറ്റക്ടീവും വില്യം സോമർസെറ്റ് എന്ന വിരമിക്കാറായ ഡിറ്റക്ടീവും ഒരു തുടർകൊലപാതകിയുടെ കൊലപാതകകൃത്യങ്ങളുടെ അന്വേഷണ വഴിയിൽ ഒന്നിക്കുന്നു. ബൈബിളിൽ പ്രതിപാദിച്ചിട്ടുള്ള ഏഴ് വൻപാപങ്ങൾ എന്ന ആശയങ്ങൾ തന്റെ കൊലപാതകങ്ങളുടെ പ്രവർത്തനരീതിയാക്കിയിട്ടുള്ള ക്രൂരനായ കൊലപാതകിയാണ് ഇതിന് പിന്നിൽ എന്ന് ഡിറ്റക്ടീവ് സോമർസെറ്റ് മനസ്സിലാക്കുന്നു. കൊലപാതക സ്ഥലത്ത് സെവൻ ഡെഡ്ലി സിൻസിലെ മുഖ്യ വാചകങ്ങൾ ഓരോന്നായി എഴുതിവെക്കാറുണ്ടായിരുന്നു. Gluttony (അത്യാർത്തി), Greed (അത്യാഗ്രഹം) എന്നിങ്ങനെ തന്റെ രണ്ടു കൊലപാതകങ്ങളിലും എഴുതിവെച്ച കൊലയാളി ബാക്കിയുള്ള അഞ്ച് വാചകങ്ങൾക്കായി (Sloth-അലസത, Envy-അസൂയ, Wrath-കോപം, Pride-അഹങ്കാരം, Lus...

Catch Me If You Can » ᴀ ʀᴇᴛᴀʟɪᴀᴛᴇ ■ ലോക സിനിമയിലെ മൂന്ന്‌ അതികായർ ഒന്നിക്കുന്നു എന്ന പ്രത്യേകതയാണ് ഈ സിനിമയിലേക്ക് എന്നെ ആകർഷിച്ചത്. വിശ്വസംവിധായകൻ സ്റ്റീവൻ സ്പീൽബെർഗിന്റെ സംവിധാനത്തിൽ വിഖ്യാത നടന്മാരായ ടോം ഹാങ്ക്‌സും ലിയനാർഡോ ഡികാപ്രിയോയും നായകന്മാരാവുന്ന ഈ ചിത്രം ഇതിന്റെ പേര് സൂചിപ്പിക്കുന്ന പോലെ തന്നെ ഒരു കള്ളനും പോലീസും കളിയാണ്. മമ്മൂട്ടിയും മുരളിയും കേന്ദ്രകഥാപാത്രങ്ങളെ അവതരിപ്പിച്ച സത്യൻ അന്തിക്കാട് സംവിധാനം ചെയ്ത കളിക്കളം എന്ന മലയാള സിനിമയെ ഓർമിപ്പിക്കുമെങ്കിലും ഇത് തികച്ചും വ്യത്യസ്തമായ സിനിമയാണ്. ഫ്രാങ്ക് അബഗ്‌നെയ്ൽ ജൂനിയർ എന്ന അമേരിക്കൻ സുരക്ഷാ ഉപദേഷ്ടാവിന്റെ ജീവിതകഥയെ ആസ്പദമാക്കി ജെഫ് നതാൻസണാണ് തിരക്കഥ രചിച്ചിരിക്കുന്നത്. ഫ്രാങ്ക് തന്റെ കൗമാര പ്രായത്തിൽ ചെക്ക് തട്ടിപ്പ് നടത്തി ദശലക്ഷക്കണക്കിന് ഡോളർ അടിച്ചെടുത്ത്  അമേരിക്കൻ കുറ്റാന്വേഷണ ഏജൻസി, എഫ്.ബി.ഐ.യെ വട്ടം കറക്കിയ പിടികിട്ടാപ്പുള്ളിയായിരുന്നു. ✍sʏɴᴏᴘsɪs                ■ ഫ്രാങ്ക് അബഗ്‌നെയ്ൽ സീനിയർ ടാക്സ് വെട്ടിപ്പുനടത്തി എന്ന ആരോപണം നേരിടുന്നതിനാൽ ചെയ്‌സ് മൻഹാട്ടൻ ബാങ...

Big » ᴀ ʀᴇᴛᴀʟɪᴀᴛᴇ ■ കാർണിവലിലെ ഒരു റെയ്ഡിൽ കയറാൻ 'നീ വളരെ ചെറുതാണ്' എന്ന കാരണം പറഞ്ഞു തിരസ്കരിക്കപ്പെട്ട ഒരു പന്ത്രണ്ട് വയസ്സുകാരൻ പയ്യൻ "ആഗ്രഹങ്ങൾ സാധിച്ചു കൊടുക്കും" എന്ന കൗതുകകരമായ അടിക്കുറിപ്പിലുള്ള സോൾട്ടർ എന്ന യന്ത്രത്തോട് 'എനിക്ക് വലുതാകണം' എന്ന് ആഗ്രഹം പ്രകടിപ്പിക്കുന്നു. പക്ഷേ അത്ഭുതകരമെന്നു പറയട്ടെ, പിറ്റേന്ന് രാവിലെ അവൻ ഉറക്കമുണർന്നത് ഒരു മുപ്പതുകാരനായിട്ടായിരുന്നു. കുട്ടികളുടെ ഫാന്റസി നിറഞ്ഞ ജീവിതത്തിൽ നിന്നും പെട്ടെന്ന് മുതിർന്നവരുടെ ജീവിതത്തിലെത്തുന്ന അവന്റെ മനസ്സ് പക്ഷേ പന്ത്രണ്ടുവയസ്സുള്ള കുട്ടി തന്നെയായിരുന്നു. തന്റെ ഉറ്റസുഹൃത്തിന്റെ സഹായത്തോടെ നഗരത്തിലെത്തുന്ന അവൻ ഒരു കളിപ്പാട്ട സ്ഥാപനത്തിൽ ജോലി നേടുന്നു. സ്ഥാപന ഉടമയുമായി വളരെ പെട്ടെന്ന് തന്നെ സൗഹൃദത്തിലാവുന്ന അവൻ തന്റെ സഹപ്രവർത്തകയായ ഒരു യുവതിയുമായി പ്രണയത്തിലാകുന്നു. ടോം ഹാങ്ക്സിനെ നായകനാക്കി പെന്നി മാർഷൽ സംവിധാനം ചെയ്ത ഈ കോമഡി ഫാന്റസി ചിത്രത്തിൻറെ തിരക്കഥ രചിച്ചിരിക്കുന്നത് ഗാരി റോസും സ്റ്റീവൻ സ്പീൽബെർഗിന്റെ സഹോദരി ആനി സ്പീൽബെർഗും ചേർന്നാണ്. ബാരി സോണാൻഫീൽഡാണ് ഛായാഗ്രഹണം നിർവ്വഹിച്ച...