എന്റെ ബ്ലോഗ്‌.. എന്റെ നിരൂപണങ്ങൾ.. എന്റെ കാഴ്ച്ചപ്പാടുകൾ..

Pariyerum Perumal » ᴀ ʀᴇᴛᴀʟɪᴀᴛᴇ ■ ലോകത്തിലെ ഏറ്റവും മികച്ച സിനിമ എന്ന് നിരൂപകർ വാഴ്ത്തിയ ദി ഷോഷാങ്ക് റിഡെംപ്‌ഷൻറെ IMDb റേറ്റിംഗ് 9.3യാണ്. കഴിഞ്ഞ ഒരു മാസമായി IMDbയിൽ 9.4 റേറ്റിങ്ങുമായി ഒരു തമിഴ് സിനിമ മുന്നിൽ നിൽക്കുന്നുണ്ട്. വെറുമൊരു IMDb റേറ്റിങ് കൊണ്ട് അളക്കാൻ പറ്റുന്നതല്ല പരിയേറും പെരുമാൾ എന്ന തമിഴ് ചിത്രത്തിൻറെ കാലിക പ്രസക്തി. ചരിത്രത്തിന്റെ പുസ്തകത്താളുകളിൽ വരെ കുറിച്ചിട്ട ദുരഭിമാനക്കൊല തന്നെയാണ് സിനിമയുടെ പ്രമേയം. ഉത്തരേന്ത്യയിൽ മാത്രം സംഭവിക്കുന്ന ഒന്ന് എന്ന് പറഞ്ഞ് പുച്ഛിച്ചു തള്ളിക്കളഞ്ഞിരുന്ന മലയാളികളുടെ മൂക്കിൻ തുമ്പത്ത് പോലും ദുരഭിമാനക്കൊലകൾ അരങ്ങേറി. ജാതിയുടെയും മതത്തിന്റെയും വേലിക്കെട്ടുകൾ പൊളിച്ചെറിഞ്ഞു ഒന്നിക്കാൻ കൊതിച്ചു പ്രണയിച്ച മനുഷ്യാത്മാക്കളെ ജാതിയും മതവുമുള്ള ബന്ധുക്കൾ തങ്ങളുടെ അഭിമാനത്തിന് ക്ഷതമേൽക്കാതിരിക്കാൻ കണ്ണിൽചോരയില്ലാതെ കൊത്തിക്കീറി. കഴിഞ്ഞ മൂന്ന് വർഷത്തിനുള്ളിലായി ഇന്ത്യയിൽ മുന്നൂറോളം ദുരഭിമാനക്കൊലകളാണ് റിപ്പോർട്ട് ചെയ്യപ്പെട്ടിട്ടുള്ളത്. ജാതിയും മതവും മനുഷ്യർ സൃഷ്ടിച്ചതാണ്. ദൈവം മനുഷ്യരെ മനുഷ്യജാതിയായിട്ടാണ് സൃഷ്ടിച്ചത്. പരിയേറും പെരുമാൾ ദുരഭിമാന...

American History X » ᴀ ʀᴇᴛᴀʟɪᴀᴛᴇ ■ വർത്തമാനകാലത്ത് ലോകം നേരിടുന്ന പ്രധാന പ്രശ്നം എന്താണ്? വർത്തമാനകാലത്ത് മാത്രമല്ല ഭൂതകാലത്തും ഇനി വരുന്ന ഭാവികാലത്തുമൊക്കെ ലോകം നേരിടുന്ന പ്രധാനപ്രശ്നം മനുഷ്യർ; ജാതി,  മതം, വർണ്ണം, രാഷ്ട്രീയം, സംഘടന തുടങ്ങിയവയുടെ പേരും പറഞ്ഞ് പരസ്പരം പോരടിക്കുന്നത് തന്നെയാണ്. വർണ്ണവെറിയുടെ രാഷ്ട്രീയം ലോകത്തെ പല രാജ്യങ്ങളെയും ചോരക്കളങ്ങളാക്കിയിട്ടുണ്ട്. അഡോൾഫ് ഹിറ്റ്‌ലർ ദശലക്ഷക്കണക്കിന് ജൂതന്മാരെയായിരുന്നു തന്റെ സ്വേച്ഛാധിപത്യകാലത്ത് കാലപുരിയിലേക്ക് അയച്ചത്. അമേരിക്കയിലെന്നു വേണ്ട ലോകത്തെ പല രാജ്യങ്ങളിലും കറുത്തവരും വെളുത്തവരും തമ്മിലുള്ള വിദ്വേഷം ആഭ്യന്തര യുദ്ധങ്ങളായി പരിണമിച്ചിട്ടുണ്ട്. വർഷം തോറും വർണ്ണവെറിയുടെ ഇരകളായി കൊല്ലപ്പെടുന്ന ആഫ്രിക്കൻ അമേരിക്കക്കാരുടെ എണ്ണം വളരെ കൂടുതലാണെന്നാണ് ന്യൂസ്‌ റിപ്പോർട്ട്‌. പോലീസ് വെടിവെയ്പ്പ് തന്നെ തൊലിനിറം നോക്കിയാണെന്ന ആരോപണം ഒരുകാലത്ത് അമേരിക്കയെ അലട്ടിയിരുന്നു. അങ്ങനെ ഇനിയെത്ര കാലം കഴിഞ്ഞാലും കാലികപ്രസക്തി നഷ്ടപ്പെടാത്ത പ്രമേയം അവതരിപ്പിച്ച സിനിമയാണ് അമേരിക്കൻ ഹിസ്റ്ററി X. ■ ടോണി കെയെ സംവിധാനം നിർവഹിച്ച ക്രൈം ഡ്രാ...

Django Unchained » ᴀ ʀᴇᴛᴀʟɪᴀᴛᴇ ■ ഹോളിവുഡിലെ ഏറ്റവും മികച്ച പത്ത് സംവിധായകരുടെ പേര് പറയാൻ പറഞ്ഞാൽ അതിലൊരാൾ "ക്വന്റിൻ ടാരന്റിനോ" ആവും. അദ്ദേഹം സംവിധാനം ചെയ്ത റിവിഷനിസ്റ്റ് വെസ്റ്റേൺ ആക്ഷൻ ത്രില്ലർ ഹോളിവുഡ് ചിത്രമാണ് "ജാങ്കോ അൺചെയിൻഡ്". 1800കളിലെ അമേരിക്കയിലെ കറുത്ത വർഗക്കാരുടെ അടിമത്വത്തിന്റെയും അവരുടെ പോരാട്ടങ്ങളുടെയും കഥ പറഞ്ഞ സിനിമ. ഒരു കാലത്ത് ഹോളിവുഡിന്റെ രോമാഞ്ചമായിരുന്ന സ്പാഗെറ്റി വെസ്റ്റേൺ ജോണറിന് ഒരു ട്രിബ്യൂട്ടാണ്‌ ഈ ചിത്രം. അതുകൊണ്ട് തന്നെ ഇതിന്റെ പേര് സെർജിയോ കൊബുസ്സി സംവിധാനം നിർവഹിച്ച സ്പാഗെറ്റി വെസ്റ്റേൺ ഇറ്റാലിയൻ ചിത്രം "ജാങ്കോ"യിൽ നിന്നും ഉൾക്കൊണ്ടതാണ്.. ■ തിരക്കഥ രചിച്ചിരിക്കുന്നതും ക്വന്റിൻ ടാറന്റീനോ തന്നെയാണ്. റോബർട്ട് റിച്ചാർഡ്സൺ ഛായാഗ്രഹണവും ഫ്രെഡ് റാസ്‌കിൻ എഡിറ്റിങ്ങും നിർവഹിച്ചിരിക്കുന്നു. ഇതിലെ ഓരോ പാട്ടുകളും വ്യത്യസ്ത സംഗീതജ്ഞർ സംഗീതസംവിധാനം നിർവ്വഹിച്ചതാണ്. "Django" എന്ന് തുടങ്ങുന്ന മുഖ്യ തീം സോങ് 1966ലെ "Django" എന്ന സിനിമയിലേത് തന്നെ എടുത്തുപയോഗിച്ചതാണ്. "100 Black Coffins" എന്ന പാട്ടിന് സ...

District 9 » ᴀ ʀᴇᴛᴀʟɪᴀᴛᴇ ■ മലയാളികൾ ഏറ്റവും കൂടുതൽ ജോലി ചെയ്യുന്നത് ഒരുപക്ഷേ ഗൾഫ് നാടുകളിലാകും. നാട്ടിൽ എത്ര അലസനായ മലയാളിയും ഗൾഫിൽ ചെന്നാൽ പട്ടിയെപ്പോലെ പണിയെടുക്കും എന്ന് പലരും തമാശപറയുന്നത് കേൾക്കാം. ഒരുപക്ഷേ അത് ശരിയായിരിക്കാം. അതുകൊണ്ടാണല്ലോ ബംഗാളികൾക്ക് നമ്മുടെ നാട്ടിൽ ഇത്രയ്ക്കും മാർക്കറ്റ്. നാട്ടിൽ ജോലി ചെയ്യുന്നവർക്ക് ഗൾഫും ഗൾഫിൽ ജോലി ചെയ്യുന്നവർക്ക് സ്വന്തം നാടുമാണ് സ്വപ്നം. പക്ഷേ, സ്വന്തം നാട്ടിലെ പരിഗണന എത്ര ഉന്നതിയിൽ ജോലി ചെയ്യുന്നവരാണെങ്കിലും ഗൾഫ് പോലത്തെ നാടുകളിൽ ലഭിക്കാറുണ്ടോ. എന്തായാലും അവിടെ നമ്മൾ രണ്ടാംനിര പൗരന്മാരാണ് എന്നുള്ള സത്യം നമ്മളെന്തിന് വിസ്മരിക്കുന്നു. സ്വദേശിക്കും വിദേശിക്കും രണ്ട് നിയമങ്ങളാണ് എല്ലാ രാജ്യങ്ങളിലും, നമ്മുടെ ഇന്ത്യയിൽ പോലും. നമ്മുടെ നാട്ടിൽ പണിയെടുക്കാൻ വന്ന ബംഗാളികളെപ്പോലും നമ്മൾ രണ്ടാംനിര പൗരന്മാരായാണ് കാണുന്നത്, ഇന്ത്യൻ പൗരന്മാർ എന്ന നിലയിൽ അവർക്ക് ഇവിടെ പരിപൂർണ്ണ അവകാശങ്ങൾ ഉണ്ടെങ്കിൽപ്പോലും. ഇതൊക്കെ ഇവിടെ പറയാൻ കാരണം എന്താണെന്നാവും നിങ്ങളിപ്പോൾ ചിന്തിക്കുന്നത്. ഇതൊരു കൂട്ടം അഭയാർഥികളുടെ കഥയാണ്. പക്ഷേ, അഭയാർത്ഥികൾ മനുഷ്യരല്ല.. അന്യഗ്...

New World » ᴀ ʀᴇᴛᴀʟɪᴀᴛᴇ ■ ചോയ് മിൻസിക് എന്ന പേര് അപരിചിതമായൊരു കൊറിയൻ സിനിമാപ്രേമിയുമുണ്ടാകില്ല. അദ്ദേഹത്തിന്റെ ഒരു സിനിമ കണ്ട ഒരാൾപ്പിന്നെ അദ്ദേഹത്തെ പിന്തുടർന്നുകൊണ്ടേയിരിക്കും. ഓൾഡ്‌ബോയ്, ഐ സോ ദി ഡെവിൾ, സിമ്പതി ഫോർ ദി ലേഡി വെഞ്ചൻസ്, ടൈഗർ : ആൻ ഓൾഡ് ഹണ്ടേഴ്സ് ടെയ്ൽ, അഡ്മിറൽ : ദി റോറിങ് കറന്റ്സ്, etc.. അങ്ങനെ മിൻസിക്കിനെ പിന്തുടർന്ന് അവസാനം ഞാൻ ന്യൂ വേൾഡ് എന്ന കൊറിയൻ ഗ്യാങ്‌സ്റ്റർ പടത്തിലേക്കെത്തി. പക്ഷേ, എന്നെ അത്ഭുതപ്പെടുത്തിയ ഒരു കാര്യം, ഈയടുത്തിറങ്ങിയ ഇന്ത്യയുടെ ഇതിഹാസചലച്ചിത്രകാരന്മാരിൽ ഒരാളായ മണിരത്നത്തിന്റെ ചെക്ക ചിവന്ത വാനം എന്ന വലിയ അഭിപ്രായവുമായി മുന്നേറുന്ന തമിഴ് ഗ്യാങ്സ്റ്റർ ചിത്രത്തിലെ പല രംഗങ്ങളും അതുപോലെ തന്നെ കോപ്പിയടിച്ചു വെച്ചിരിക്കുകയാണ് ന്യൂ വേൾഡ് എന്ന കൊറിയൻ ചിത്രത്തിൽ ;) പക്ഷേ, മേക്കിങ് ഡിഫറെൻറ് ആയതോണ്ട് "ആശാന്റെ കാല് തല്ലിയൊടിച്ച ന്യൂ വേൾഡിനോട് വിശാലമനസ്കനായ ആശാൻ ക്ഷമിച്ചിരിക്കുന്നു.." 😋 ■ പാർക് ഹൂൻ-ജുങ് തിരക്കഥയെഴുതി സംവിധാനം നിർവഹിച്ച ആക്ഷൻ ക്രൈം ത്രില്ലർ കൊറിയൻ ചിത്രമാണ് ന്യൂ വേൾഡ്. ചുങ് ചുങ്-ഹൂനും യു-യോകും ചേർന്ന് ഛായാഗ്രഹണവും മൂൺ സെ-ക...

Goodachari » ᴀ ʀᴇᴛᴀʟɪᴀᴛᴇ ■ 1966ൽ ഇറങ്ങിയ "ഗൂഡാചാരി 116" തെലുങ്കിലെ ആദ്യത്തെ സ്പൈ ത്രില്ലറായിരുന്നു. അന്നത്തെ തെലുങ്ക് സൂപ്പർസ്റ്റാർ കൃഷ്ണയും (മഹേഷ്‌ ബാബുവിന്റെ പിതാവ്) ജയലളിതയുമാണ് (തമിഴ്‌നാട് മുൻമുഖ്യമന്ത്രി) ഇതിൽ കേന്ദ്രകഥാപാത്രങ്ങളെ അവതരിപ്പിച്ചത്. ജെയിംസ് ബോണ്ട്‌ സ്റ്റൈലിൽ ആദ്യമായൊരു തെലുങ്ക് സിനിമ ജനിച്ചപ്പോൾ അതിന്റെ ചുവടുപിടിച്ചു ഒരുപാട് സീക്വലുകൾ ഉണ്ടായി (ഗൂഡാചാരി No.1, ഗൂഡാചാരി 117). ഏജന്റ് 116 എന്ന പേരിൽ അറിയപ്പെട്ടിരുന്ന സീക്രട്ട് ഏജന്റായിട്ടായിരുന്നു കൃഷ്ണ വേഷമിട്ടത്. ഈ സിനിമയിലെ നായകൻ കൂടിയായ അദിവി ശേഷ് എഴുതിയ കഥ സിനിമയാകുമോൾ ഏജന്റ് 116 എന്ന ഗോപി വീണ്ടും വെള്ളിത്തിരയിലെത്തുകയാണ്, ഇത്തവണ ഇന്ത്യയുടെ രഹസ്യാന്വേഷണ ഏജൻസിയായ RAWയുടെ ഏജന്റായിട്ടാണ്. പേരിൽ മാത്രമേ സാമ്യമുള്ളൂ. കഥയും കഥാപാത്രങ്ങളും തികച്ചും വ്യത്യസ്തമാണ്. കോരിത്തരിപ്പിക്കുന്ന ക്ലൈമാക്സുമായി പ്രേക്ഷകരെ ത്രസിപ്പിച്ചു നിർത്തുന്നൊരു കിടിലൻ ത്രില്ലർ, അതാണ്‌ ഗൂഡാചാരി. ■ ശശികിരൺ ടിക്ക സംവിധാനം നിർവഹിച്ച സ്പൈ ആക്ഷൻ ത്രില്ലർ തെലുങ്ക് ചിത്രമാണ് ഗൂഡാചാരി. അദിവി ശേഷിന്റെ കഥ തിരക്കഥയാക്കിയിരിക്കുന്നത് ശശികിര...

A Taxi Driver » ᴀ ʀᴇᴛᴀʟɪᴀᴛᴇ ■ പേര് സൂചിപ്പിക്കുന്നപോലെ ഇതൊരു ടാക്സി ഡ്രൈവറുടെ കഥയാണ്. എന്നാൽ ഇതൊരു ടാക്സി ഡ്രൈവറുടെ മാത്രം കഥയല്ല, ഒരു മാധ്യമപ്രവർത്തകന്റെകൂടി കഥയാണ്. ഒരു ദുരന്തചിത്രം അല്ലെങ്കിൽ വീഡിയോ സെൻസേഷനലായി മാറുമ്പോൾ പല രീതിയിലുള്ള കമന്റുകൾ നമുക്ക് കാണാൻ സാധിക്കും. "ആ ചിത്രം/വീഡിയോ എടുത്ത മാധ്യമപ്രവർത്തകൻ വിഷാദരോഗിയാണ്. അത് പകർത്തുന്ന നേരം കൊണ്ട് അയാൾക്ക്‌ അവരെ രക്ഷിക്കാമായിരുന്നല്ലോ" എന്നൊക്കെ. പക്ഷേ, ആരെങ്കിലും അതിന്റെ പിന്നിലെ യഥാർത്ഥ കഥ ചികഞ്ഞു പോയിട്ടുണ്ടോ. ദുരന്തത്തിൽപ്പെട്ടവരെ ആ ലേഖകന്റെ ശ്രമഫലമായിട്ടായിരിക്കും ചിലപ്പോൾ രക്ഷിച്ചിട്ടുണ്ടാവുക. ഒരുപാട് ഉദാഹരണങ്ങൾ നമുക്ക് മുൻപിൽ തന്നെയുണ്ടല്ലോ. രക്തം മരവിപ്പിക്കുന്ന ദൃശ്യങ്ങൾ പകർത്തുമ്പോൾ ഉള്ളുപിടക്കാത്തവരാണോ മാധ്യമ പ്രവർത്തകർ. അവർക്കുള്ളിലും ഒരു മനുഷ്യഹൃദയമുണ്ട് എന്ന് ഒരിക്കലെങ്കിലും ഈ ആരോപണമുന്നയിക്കുന്നവർ ചിന്തിച്ചിട്ടുണ്ടോ. തുടക്കത്തിൽ ഇതിലെ ടാക്സി ഡ്രൈവർ ഒരു സ്വാർത്ഥനാണെന്ന് പ്രേക്ഷകന് തോന്നാം. പക്ഷേ, അയാൾക്കുള്ളിലും ഒരു മനുഷ്യഹൃദയമുണ്ടായിരുന്നു. അതാണ്‌ അയാളെ ഹീറോയാക്കിയത്. ഒരു ജനതയെ രക്ഷിച്ച ഹീറോ. അയാൾ ഇ...